Aktualitet

Sulm me makinë-bombë në Shqipëri! Përfaqësuesi i Muxhahedinëve zbulon planin e celulës terroriste që u parandalua (Video)

Celula terroriste iraniane e cila u interceptua nga autoritetet shqiptare, kishte planifikuar që ta sulmonte kampin e muxhahedinëve përmes një makine-bombë.
Featured image of article: Sulm me makinë-bombë në Shqipëri! Përfaqësuesi i Muxhahedinëve zbulon planin e celulës terroriste që u parandalua (Video) Muxhahedinët dhe terroristi Turgut

TIRANËVetëm pak javë pas publikimit të lajmit se një celulë terroriste iraniane do godiste kampin Ashraf të Muxhahedinëve, përfaqësuesi i opozitës iraniane në Uashington, Ali Safavi, në një intervistë për televizionin Ora ka dhënë detaje të reja mbi përgatitjen e skenarit.

Sipas tij, terroristët kishin nisur mbledhjen e bazës materiale të eksplozivëve ndërsa dyshohet se godisnin nëpërmjet një makine-bombë kampin Ashrap, gjatë festës së Novruzit të këtij viti, që përkonte me datën 20 Mars.

Safavi tha gjithashtu se këto lëvizje të orkestruara nga qeveria e Iranit, tregojnë se regjimi i trembet forcës së muxhahedinëve.

Ali Safavi: “Bazuar në detajet që ne dimë, besojmë se ata do të sulmonin përmes një makine-bombë për të kryer këtë akt terrorist, por dështuan. Gjithashtu, edhe në Paris në një mbledhje tonën ata janë munduar që të përdorin një pajisje mjaft të rrezikshme për të sulmuar. Fatmirësisht, në të dyja rastet autoritetet kanë reaguar në mënyrën e duhur, dhe sulmet janë parandaluar.”

Më tej, z. Safavi, akuzon edhe ish-Ambasadorin e Iranit në vendin tonë, Gholamhossein Mohammadnia, si drejtues në Ministrisë e Inteligjencës Iraniane. Ai shprehet se ky i fundit ka qenë gjithashtu pjesë e tryezave të rëndësishme, si bisedimet për marrëveshjen bërthamore duke u ulur në të njëjtën tryezë me ish-Sekretarin amerikan të Shtetit, John Kerry.

Për më shumë bëhu pjesë e grupit më viral në Facebook, Dosja.al

Ali Safavi: “Shqipëria përmes veprimeve të saj vendosi të dëbojë ambasadorin e regjimit në Tiranë, Gholamhossein Mohammadnia, i cili ishte në të vërtetë një drejtues I lartë I ministrisë së inteligjencës. Presidenti Trump i shkroi një letër KM Rama, duke e falënderuar për vendimin e tij deçiziv. Ai më herët ka punuar dhe në Nju Jork, por roli I tij është lidhur më së shumti me inteligjencës, se sa me diplomacinë klasike.”

Në mbyllje, përfaqësuesi i muxhahedinëve, falënderoi Shqipërinë për mikpritjen e muxhahedinëve në kampet Ashraf. Ai u shpreh se autoritetet shqiptare kanë qenë mjaft të shpejta për të reaguar përpara çdo kërcënimi.

Para pak ditësh, policia e Shtetit dhe drejtori Ardi Veliu deklaruan se policia ka zbuluar një celulë terroriste iraniane e cila ka tentuar të kryejë akte terroriste në Shqipëri, një prej tyre i parandaluar nga shteti shqiptar. 4 persona janë identifikuar nga policia, si pjesë e grupit operativ që vepruan në emër të shtetit iranian dhe QUDS, për të sulmuar anëtarët e komunitetit muxhahedinë, që strehohen në Shqipëri. Për këtë akt të rëndë, kryeministri Edi Rama dëboi ambasadorin iranian Gholamhossein Mohammadnia, për cenim të sigurisë kombëtare.

Marrë nga OraNews

Shto Koment