Bota

Studimi/ Personat e infektuar me COVID-19 mund të kenë imunitet për 6 muaj

Një studim nga Universiteti i Oxford-it ka dalë në konkluzionin se nëse infektoheni me COVID-19 nuk ka shumë të ngjarë që të infektoheni sërish të paktën për 6 muaj.
Featured image of article: Studimi/ Personat e infektuar me COVID-19 mund të kenë imunitet për 6 muaj Foto ilustruese

SHBA- Universiteti i Oxford-it ka publikuar një studim, në të cilin thuhet se personat e infekuar me Covid-19 kanë imunitet që mos të riinfektohen sërish të paktën për 6 muaj.

Në studim kanë marrë pjesë 12,000 punonjës të kujdesit shëndetësor, nga ata që u infektuan me COVID-19, asnjë nuk u ri-infektua brenda kësaj periudhë afatshkurtër.

Sakaq, David Eyre, profesor në sëmundjet infektive, në Universitetin e Oxford-it, i cili punoi gjithashtu dhe në studimin ka thënë se ky është një lajm i mirë, por studimet po vijon për të parë nëse imuniteti mund të zgjasë dhe më gjatë.

Për më shumë bëhu pjesë e grupit më viral në Facebook, Dosja.al

“Ky është me të vërtetë një lajm i mirë, sepse ne mund të jemi të sigurt që, të paktën në një periudhë afatshkurtër, shumica e atyre që kanë mbijetuar COVID-19 nuk do të infektohen përsëri. Studimi po vijon ende për të zbuluar nëse mbrojtja nga infeksioni zgjat më shumë,”-ka thënë David Eyre.

Ndërkohë që prej fillimit të pandemisë në gjithë botën kanë rezultuar pozitiv, mbi 55 milionë njerëz dhe kanë ndërruar jetë 1, 379, 515 pacientë.

(k.a/dosja.al)

Etiketa:

Shto Koment