Politike

Protesta e studentëve/ Përplasje në Komisionin e Edukimit, Piciri kërkon llogari për investimet, Nikolla: Jemi në Shqipëri, këto janë kushtet, mos bëni sikur vini nga hëna

E pranishme në Komisionin për Edukimin, Nikolla tha se universitetet janë mbyllur në shumë vende të botës dhe jo vetëm në Shqipqëri, gjë që duhet mirëkuptuar.
Featured image of article: Protesta e studentëve/ Përplasje në Komisionin e Edukimit, Piciri kërkon llogari për investimet, Nikolla: Jemi në Shqipëri, këto janë kushtet, mos bëni sikur vini nga hëna Erion Piciri dhe Lindita Nikolla

TIRANË– Ish-ministrja Lindita Nikolla ka kërkuar mirëkuptimin e të gjithë studentëve në lidhje me mbylljen e universiteteve. E pranishme në Komisionin për Edukimin, Nikolla tha se universitetet janë mbyllur në shumë vende të botës dhe jo vetëm në Shqipqëri, gjë që duhet mirëkuptuar.

“Unë e mirëkuptoj zërin e studentëve, sidomos të atyre të vitit të parë që dëshironin të ishin në auditore. Sot praktikisht i kanë mbyllur universitetet edhe Franca, Gjermania, Hollanda, etj. Duhet ta kalojmë këtë situatë me solidaritet. Dua t’i kërkoj zonjës Kushi një raport për fondet e investimeve në lidhje me shkollat e prekura nga tërmeti,”- tha Nikolla.

Fjalën më pas e mori deputeti Erion Piciri i cili kërkoi llogari për investimet në arsim dhe shtoi se nuk janë bërë aq sa duhen. Këtu ndërhyri Nikolla, e cila shtoi se nuk e lejonte Picirin që të dezinformonte, pasi në Shqipëri, ka është niveli i jetesës dhe s’mund të bëjmë sikur vijmë nga Hëna.

Pjesë nga debati:

Për më shumë bëhu pjesë e grupit më viral në Facebook, Dosja.al

Erion Piciri: Sa përqind është investimi i GDP-së për studentët

Lindita Nikolla: Këto janë kushtet në Shqipëri, mos të bëjmë sikur vijmë nga hëna. Referuar gjithë standarteve që ka vendi, në këto nivele jemi në. edhe në këto ditë të vështira, ne kemi një rritje të buxhedit. Ju lutem, nuk të lë të më dezinformosh.

Erion Piciri: Jam i tjetër shkolle unë, nuk jam i shkollës së deziformimit. E nënvizoj pyetjen time, sa përqind është investimi i GDP-së për studentët. Ne jemi tërësisht shumë larg, atyre që duhen bërë. Nuk kap të dhënat që duhen. Pres përgjigje nga zonja Ministre.

(f.m/dosja.al)

Shto Koment