Sport

SPECIALE/ Dikur një konfederatë, ndeshja që ndezi një luftë dhe urrejtje mes dy popujve

Është 13 maj i vitit 1990. Në Kroaci ka 1 javë që janë mbajtur zgjedhjet e para të lira parlamentare. Fitues i djathti Franjo Tuđman i Bashkimit Demokrat Kroat. Shkëputja nga Jugosllavia kërkohet me ngulm dhe në Zagreb, në stadiumin “Maksimir” Dinamo vendase pret ekipin serb Crvena Zvezda.
Featured image of article: SPECIALE/ Dikur një konfederatë, ndeshja që ndezi një luftë dhe urrejtje mes dy popujve Pamje nga ndeshja

BEOGRAD– Ndeshja nuk ka rëndësi për rezultatin pasi fatet e sezonit janë vendosur. Skuadra nga Beogradi është e para me titullin e siguruar ndërsa të dytët janë kroatët.

Megjithatë një natë përpara në kryeqytetin e Kroacisë mbërrijnë rreth 2 mijë serbë të cilët nuk janë të qetë dhe nisin të përplasen me vendasit. Policia mundohet t’i ndalojë dhe i ruan nga afër në orët që paraprijnë ndeshjen. Ajo që ndodh në stadium nuk ka të krahasuar me incidentet rrugëve të Zagrebit.

Në mbështetje të ekipit serb, në Kroaci ndodhet edhe Željko Ražnatović, i njohur ndryshe edhe si “Arkan”, më vonë kriminel lufte dhe i vrarë në Beograd në vitin 2000. Në stadium serbët priten me kore nacionaliste dhe ofendime nga kroatët. Fillimisht nisin me shkuljen e stolave për t’i lëshuar drejt kroatëve. Përplasja nga verbale kthehet në fizike kur grupe nga të dyja palët e tifozerive (kroatët janë ata të Bad Blue Boys) zbresin në fushën e lojës dhe dhuna ashpërsohet.

Në mes hyjnë edhe lojtarët që kërkojnë nga policët të shmangin dhunën e të mos godasin tifozët. Në Kroaci pretendohet se forcat e rendit të komanduara nga Jugosllavia, atë ditë rrahën pa arsye shumë tifozë të Dinamo-s dhe nuk parandaluan ata të Cërvena Zvezda-s.

Për më shumë bëhu pjesë e grupit më viral në Facebook, Dosja.al

21 vjeçari Zvonimir Boban, kapiten i skuadrës kroate i afrohet një polici dhe ajo që ndodh në çastet në vijim është treguar nga vetë futbollisti: Ju afrova i nxehur dhe i thashë: T’ju vijë turp, po masakroni fëmijë! Më goditi dy herë dhe më bërtiti: Shko more këlysh kurve se edhe ti si gjithë të tjerët je…
Aty mu errësuan sytë dhe i gjuajta me gju duke i thyer nofullën.”

Më vonë u mësua që polici me të cilin u përplas Boban qe boshnjak. “Futbollistin e kam falur. Në atë kohë ishim të gjithë të verbër nga urrejtja…

E.Ç/Dosja.al 

Shto Koment