Aktualitet

SPAK-ut i shtohet një tjetër hetuese, Manjola Kajana kaloi Vettingun, merr mandatin 9 vjeçar si prokurore

Këshilli i Lartë i Prokurorisë e ka emëruar sot prokuroren Manjola Kajana, anëtare e 13-të e SPAK.
Featured image of article: SPAK-ut i shtohet një tjetër hetuese, Manjola Kajana kaloi Vettingun, merr mandatin 9 vjeçar si prokurore Manjola Kajana

TIRANË– Prokurorja Manjola Kajana është emëruar zyrtarisht anëtare e Prokurorisë së Posaçme Kundër Korrupsionit dhe Krimit të Organizuar me një mandat 9 vjeçar.

Disa ditë pasi Kajana kaloi procesin e Vettingut, në mbledhjen e sotme Këshilli i Lartë i Prokurorisë e ka emëruar sot si anëtare e 13-të e SPAK. Këshilli ka vendosur unanimisht emërimin si prokurore në SPAK për Manjola Kajanën për një mandat 9, vjeçar pa të drejtë riemërimi.

“Pasi ka verifikuar plotësimin e të gjitha kushteve dhe kritereve të parashikuar në ligjin ‘Për organizimin dhe funksionimin e institucioneve për të luftuar korrupsionin dhe krimin e organizuar’, në referencë të vendimit të tij, nr.137 datë 16.07.2019 ‘Për miratimin e listës me renditjen e kandidatëve për prokurorë në Prokurorinë e Posaçme’, si dhe të Vendimit të KPA-së , datë 10 korrik 2020, për lënien në fuqi të vendimit nr.162 datë 19.06.2019 të KPK-së “Për konfirmimin në detyrë të subjektit të rivlerësimit znj. Manjola Kajana”, thuhet në njoftimin e KLP.

Për më shumë bëhu pjesë e grupit më viral në Facebook, Dosja.al

Ditën e nesërme, e martë 14 korrik 2020, ajo pritet të marrë pjesë në ceremoninë e betimit përpara Presidentit të Republikës së Shqipërisë, Ilir Meta. SPAK ka aktualisht në strukturën e tij 13 prokurorë nga lista e 15 prokurorëve të zgjedhur nga Këshillin i Lartë i Prokurorisë. 

(k.m.dosja.al)

Shto Koment