Diaspora

Sot hapen shkollat e gjuhës shqipe në Zvicër, ja mesazhi motivues i mësuesve

Pas muajve të vështirë të shkaktuar nga pandemia COVID-19 dhe mësimit online nesër nxënësit e shkollave shqipe do ti rikthehen mësimit normal.
Featured image of article: Sot hapen shkollat e gjuhës shqipe në Zvicër, ja mesazhi motivues i mësuesve Foto ilustruese

ZVICËR– Nëpërmjet një postimi në faqen facebook koordinatori dhe mësuesi i gjuhës shqipe ka uruar fëmijët për nisjen e këtij viti shkollor.

“Shumë kush nga ju, nuk ka arritur t`i shijoj bukuritë e atdheut, këtë verë. Por, megjithatë jemi të bindur se tani, jeni më me shumë forcë, se në Qershorin që e lamë pas. Bankat shkollore po ju presin dhe mësueset e mësuesit i kanë bërë të gjitha përgatitjet, që ju ta ndjeni veten si në vendlindje” shkruan ndër të tjera ai.

Postimi i plotë:

Nxënës të dashur,

Mirë se vini në shkollën shqipe!

SHKOLLA SHQIPE NË ZVICËR PO JU PRET!

Për më shumë bëhu pjesë e grupit më viral në Facebook, Dosja.al

Nesër, nxënësit në shumicën e kantoneve në Zvicër fillojnë Vitin e Ri shkollor 2020/21. Bashkë me ta edhe nxënësit e shkollës shqipe të kantonit të St. Gallen-it, Argau-t …, dhe një javë më vonë edhe të Kantonit të Zyrih-ut, fillojnë me mësimin në gjuhën shqipe. Jemi të bindur se ditët e pushimit kanë kaluar shumë shpejt, me gjithë ngarkesën psikologjike, që ju dhe familjet e juaja kanë pasur në këtë kohë pandemie. Shumë kush nga ju, nuk ka arritur t`i shijoj bukuritë e atdheut, këtë verë.
Por, megjithatë jemi të bindur se tani, jeni më me shumë forcë, se në Qershorin që e lamë pas. Bankat shkollore po ju presin dhe mësueset e mësuesit i kanë bërë të gjitha përgatitjet, që ju ta ndjeni veten si në vendlindje.
Mirë se vini!
Po, ju presin shkollat shqipe, në: Neuenhhof, Spreitenbach, Flums, Uster, Volketsëil, Rüti, Fehraltorf, Schëerzenbach, Ëald, Ëetzikon, Fällanden, Mels, Sargans, Buchs, Sevelen, Rebstein, Ballgach, Heerburgg, Ëill, Ëittenbach, Gossau, St. Gallen, Rorschach, Uznach, Rappersëil-Jona, Emmen, Kriens, Cyrih, Bern, Lozanë, Vevey, Schaffhausen, Frauenfeld, Meilen, Effretikon, Stäfa, Zollikon, Männedorf, Adlisëil, Horgen. Ëädensëil, Büllach, Oetëil am See, Schëerzenbach, Dübendorf, Seebach, Oerlikon, Rümlang, Bachenbüllach, Glattbrugg, Dietlikon, Brüttiselen, Kloten, Hinëill, Hohfuri, Hori, Basel, Lachen, Siebnen, Apenzell dhe dhjetëra shkolla të tjera.

Ne jemi aty ku janë fëmijët shqiptarë!

Do të vazhdojmë me shkronjat e shqipes, me mësimet nga gjuha, letërsia, gjeografia, historia dhe kultura shqiptare. E kemi thënë shumë herë se mësimet në gjuhën shqipe nuk përfundojnë kurrë, ashtu sikurse valët e detit që nuk përfundojnë asnjëherë.
Prandaj, me qëllim që ju të “notoni” sa më mirë në valët e jetës, duhet ta mësoni sa më mirë gjuhën amtare – gjuhën e nënës.

Mirë se vini!

Marrë nga DiasporaShqiptare

Shto Koment