Politike

Soreca përshëndet Presidencën rumune: Dhanë rekombandime pozitive për Shqipërinë

Ambasadori i BE-së në Tiranë Luigi Soreca, i cili theksoi se shteti rumun, në kohën që ka kryesuar Këshillin e BE ka dhënë rekomandime pozitive për Shqipërinë.
Featured image of article: Soreca përshëndet Presidencën rumune: Dhanë rekombandime pozitive për Shqipërinë Luigi Soreca

TIRANË– Ditën e sotme është mbajtur ceremonia e mbylljes së Presidencës rumune në Këshillin e Bashkimit Europian. Në këtë ceremoni ishte edhe ambasadori i BE-së në Tiranë Luigi Soreca, i cili theksoi se shteti rumun, në kohën që ka kryesuar Këshillin e BE ka dhënë rekomandime pozitive për Shqipërinë.

Samiti i datës 9 maj ka qenë shumë i rëndësishëm për punën tonë dhe kjo ka qenë një ndër ngjarjet kryesore të presidencës rumune. Por gjithashtu pjesë e axhendës ka qenë edhe zgjerimi i mëtejshëm i hapësirës së BE, gjithmonë duke plotësuar kushtet dhe standartet.

Presidenca rumune ka bërë shumë dhe unë dua që t’I jap urimet e mia për punën që ka bërë gjatë gjithë kësaj periudhe.

Ndërkohë që mbetemi në pritje të presidencës së re, pasi BE po vendos liderët e rinj,”- tha Soreca ndër të tjera.

Ndërkohë më pas fjalën e mori Perpelea, përfaqësuesi i Presidencës rumune që u shpreh se janë përpjekur të mbajnë premtimet e tyrë gjatë gjithë kësaj kohe që kanë punuar.

Jemi përpjekur të avancojmë sa më shumë axhendën europiane. Kemi pasur rezultate të mira dhe mbi të gjitha jemi përpjekur të qëndrojmë neutral,”- tha Perpelea.

(f.m/dosja.al)

Shto Koment