Politike

Soreca i bindur: E ardhmja e Shqipërisë është në BE, janë fakte e jo fjalë

Soreca mbajti një fjalë të shkurtër duke thënë se e ardhmja e Shqipërisë në BE është një fakt.
Featured image of article: Soreca i bindur: E ardhmja e Shqipërisë është në BE, janë fakte e jo fjalë Luigi Soreca, ambasador i BE në Shqipëri

TIRANË- Ambasadori i BE në Shqipëri, Luigi Soreca, sot në Ditën e Evropës ka thënë se e ardhmja e Shqipërisë është në Bashkimi Evropian. Para nisjes së koncertit të Alban Skënderajt, Soreca mbajti një fjalë të shkurtër duke thënë se e ardhmja e Shqipërisë në BE është një fakt.

Kjo sipas tij u tregua në gatishmërinë dhe ndihmën që vendet e unionit i dhanë Shqipërisë pas tërmetit, në fillim me operacionin e kërkim shpëtimit dhe më pas me procesin e rindërtimit.

KE po investon tashmë 150 milionë euro. Gjithsej Shtetet Anëtare të BE-së kanë premtuar së bashku 400 mln euro. Për të përballuar ndikimin e COVID-19, BE ka dhënë tashmë për Shqipërinë 230 mln euro ndihmë financiare dhe më shumë do të vijnë më vonë gjatë këtij viti me një plan ekonomik dhe investimesh për rajonin.

Për më shumë bëhu pjesë e grupit më viral në Facebook, Dosja.al

Ne po mbulojmë tashme në terren nevojat urgjente shëndetësore dhe do të ndihmojmë rimëkëmbjen ekonomike dhe sociale të vendit.  Është e rëndësishme për ne, të ndihmojmë miqtë tanë të Ballkanit Perëndimor, në Shqipëri, për një arsye të thjeshtë: sepse e ardhmja juaj është me ne, në Bashkimin Evropian. Këto nuk janë fjalë, por fakte”, u shpreh Soreca.

(A.B. Dosja.al)

Shto Koment