Politike

Konstituohet Komisioni Hetimor për shkarkimin e Metës, Hyseni: Do të bazohemi vetëm mbi detyrimin tonë Kushtetues! Braho: Të hetohen dhe deklaratat me video

VIDEO
  • Analiza/ Enton Abilekaj: Pse Ilir Meta duhet të largohet nga presidenca
  • Komisioni u ngrit dje dhe pjesë e Komisionit do të jenë edhe deputetët e opozitës parlamentare. Ata janë Myslim Murrizi, Halil Jakimi dhe Arlind Çarçani, të tre deputetë që nuk morën asnjë mandat në zgjedhjet e 25 prillit 2021.
    Featured image of article: Konstituohet Komisioni Hetimor për shkarkimin e Metës, Hyseni: Do të bazohemi vetëm mbi detyrimin tonë Kushtetues! Braho: Të hetohen dhe deklaratat me video Ilir Meta dhe pamje nga Komisioni

    TIRANE–Ka nisur mbledhja e Komisionit Hetimor për të shkarkuar presidentin Ilir Meta, i drejtuar nga deputeti socialist Alket Hyseni.

    Gjatë hapjes Hyseni theksoi se Komisioni ka kërkuar sipas rregullores praninë e presidentit Meta por ky i fundit e ka refuzuar.

    Pas prezantimit të pikave kryesore dhe proçedura që do të ndiqen nga ky komision, në fund me 9 vota pro u miratua plani paraprak i hetimit, i cili coi në konstituimin e Komisionit Hetimor.


    Komisioni u ngrit dje dhe pjesë e Komisionit do të jenë edhe deputetët e opozitës parlamentare. Ata janë Myslim Murrizi, Halil Jakimi dhe Arlind Çarçani, të tre deputetë që nuk morën asnjë mandat në zgjedhjet e 25 prillit 2021.

    Për më shumë bëhu pjesë e grupit më viral në Facebook, Dosja.al

    Komisioni Hetimor do të punojë për gati një muaj. Ky komision ka për synim të provojë se ishin deklaratat e Ilir Metës që nxitën dhunë dhe provokuan vrasjen e Pjerin Xhuvanit në Elbasan.

    Por si arriti situata në këtë kulm tensionesh dhe pse po kërkohet ngritja e një komisioni?

    Prej javësh presidenti i Republikës Ilir Meta u përfshi në një sërë replikash të ashpra dhe përplasje me Partinë Socialiste ku në fokus ishin zgjedhjet e 25 prillit. Presidenti u zotua se do të mundësonte votën e lirë të shqiptarëve që sipas tij do ti bashkoheshin në një referundum popullor. Deklaratat e Metës gjatë fushatës arritën majën e tensionit kur kreu i shtetit deklaroi se “do t’ju presim dorën atij që prek votën”, apo “bëni gati sfurqet dhe kosat”. Këto deklarata përfshirë edhe përplasjen me ambasadoren Yuri Kim janë “dënimi” që sipas socialistëve Ilir Meta mori më 25 prill nga shqiptarët, duke i dhënë mandatin e tretë PS-së dhe për këtë Ilir Meta duhet të shkarkohet. Tashmë një komision hetimor me firmën e 49 deputetëve socialistë është ngritur dhe kërkohet prezenca e Ilir Metës për të bërë ballafaqimin. Ky komision ka për synim të provojë se ishin deklaratat e Ilir Metës që nxitën dhunë dhe provokuan vrasjen e Pjerin Xhuvanit në Elbasan.

    (f.g/dosja.al)

    • 11:36

      Komisioni për shkarkimin e Metës, Braho: Të merren si provë deklaratat e Metës dhe me video jo vetëm me shkrim


      Një nga anëtarët e Komisionit Hetimor për shkarkimin e Metës, Spartak Braho ka kërkuar që si provë gjatë hetimit të mos merren vetëm deklaratat me shkrim por edhe videot. Ai gjithashtu i kërkoi Komisionit që anëtarët e tij të mos bëjnë deklarata për mediat gjatë periudhës së hetimit. Ai shtoi se duhet bërë që t’u ndalohen deklaratat për mediat të anëtarëve të saj. “Ne nuk duhet të prononcohemi për mediat, që presidenti është kështu apo ashtu, Të caktohet dikush që të flasë për mediat. Të mos merren për bazë vetëm deklaratat me shkrim, por edhe me video”,- tha Braho. Hyseni ndërkohë u shpreh se edhe pse Kushtetuta nuk e ndalon një gjë të tillë, ky rregull do të respektohet nga të gjithë anëtarët për shkak të situatës delikate.

    • 11:28

      Hyseni: Do të bazohemi vetëm mbi detyrimin tonë Kushtetues, Meta nuk u paraqit në Komisionin e Ligjeve


      Kryetari i këtij komision Alket Hyseni ka bërë me dije se presidenti është njoftuar sipas procedurës, por nuk ka pranuar të paraqitet. “Do të bazohemi vetëm mbi detyrimin tonë Kushtetues, rregulloren  e Kuvendit dhe ligjet e Komisionit të Ligjeve. Objektivi përcaktohet nga vendimi i parlamentit për ngritjen e këtij Komisioni mbi kërkesën e deputetëve. Meta nuk u paraqit në Komisionin e Ligjeve, më tej Komisioni paraqiti raportin Kuvendit për hetimin nëse aktet dhe deklarata e Metës para, gjatë dhe në heshtjen zgjedhore janë në shkelje të Kushtetues, nëse ka nxitur urrejtje dhe dhune. Do i qëndrojmë strikt objektit të punës. Sekretare zgjidhjet Klotilda Bushka”, tha Hyseni.

    Një Koment në “Konstituohet Komisioni Hetimor për shkarkimin e Metës, Hyseni: Do të bazohemi vetëm mbi detyrimin tonë Kushtetues! Braho: Të hetohen dhe deklaratat me video

    1. Nje qelbesire kërmë me pak ne Parlament. Nje plak i poshter spurdhjak duhej te mos ishte kurre pjese e Parlamentit. Me keto zgjedhje sak me PS, ka vetem grupe interesi dhe grupi rilindje. Kush socialist e beson se ka akoma PS, eshte budalla ose ne ajer

    Shto Koment