Politike

Socialistët festojnë 28-vjetorin në Divjakë, Rama: Akti i Metës i shëmtuar, Kuvendi do reagojë

Sot socialistët festojnë 28-vjetorin e themelimit të partisë. Edi Rama festoi bashkë me zëvëndësin e tij Erion Braçen në Divjakë. Rama tha se vendimi i Metës për shtyrjen e zgjedhjeve ishte i shëmtuar dhe anti-integrim duke paralajmëruar reagimin e Kuvendit. Gjatë mbrëmjes ai u nis drejt Tiranës për të marrë pjesë në koktejlin te selia e PS-së, ku ishin të pranishëm edhe figura njohura të Partisë Socialiste.
Featured image of article: Socialistët festojnë 28-vjetorin në Divjakë, Rama: Akti i Metës i shëmtuar, Kuvendi do reagojë Edi Rama dhe Erjon Braçe
Përditësuar:

TIRANË– Përvjetorin e 28-të të PS, kryeministri dhe njëherazi kryetari i partisë ka vendosur ta festojë në Divjakë.

Në një takim me qytetarët, Rama ka shprehur keqardhjen e tij lidhur me faktin se opozita nuk do të merrte pjesë në zgjedhjet e 30 qershorit, duke ngulur këmbë se ato do të zhvillohen.

Sipas Ramës, anulimi i zgjedhjeve nga presidenti Ilir Meta ishte një akt i shëmtuar duke paralajmëruar edhe reagimin e Kuvendit ditën e nesërme.

Teksa fliste për skenarët e mundshëm që mund të ndodhin në vend gjatë 30 qershorit, Rama ka prishur armëpushimin e tij me mediet duke i cilësuar sërish si “kazan”, gjithashtu kërkonte falje sa herë përmendte emrin e ish-kryeministrit Sali Berisha në ditën e PS-së.

Pas Divjakës, Rama u ndal në Lushnje, ku u prit me protesta nga qytetarë të shumtë, të cilët mbanin ne duar pankartat ” Rama ik”, ndërsa gjatë mbrëmjes u nis drejt Tiranës për të festuar me socialistët e tjerë.

Në orën 21:00 Rama  ishte i pranishëm në kokteilin tek oborri i PS, ku morën pjesë shumë figura të njohura të Partisë Socialiste.

  • 21:24

    "I dha mend” Metës, Rama mbështet Spiropalin: Siç tha edhe Mamica..

    Gjatë të takimit me qytetarët e Divjakës Rama përsëriti dhe njëherë këshillën e Spiropalit, lidhur me “hallin e Metës”, ku tha se:  “ke hall të shpëtosh Shqipërinë, të bindë Monikën te mos hakërrehet apo që të mos ndërsejë Lulin rrugëve’.

    Për sa i takon shqetësimit të madh Ilir Metës, unë do të them atë që ka thënë Elisa, Mamica kur i tha ke hall të shpëtosh Shqipërinë, bind Monikën të mos hakërrehet, ul Saliun që të mos ndërsejë Lulin rrugëve’, tha Rama në Divjakë.

  • 20:33

    Rama vijon me fushatën elektorale, qytetarët Lushnjes dhe Divjakës e presin me protesta e pankarta

    Kryeministri Edi Rama ka vijuar me fushatën elektorale ditën e sotme, ku u takua me qytetarët e Divjakës dhe Lushnjes.

    Por kryeministri është pritur me protesta nga qytetarët të shumtë nga Lushnja, Fieri, Rrogozhina, Divjakë, të cilët mbanin në dorë pankartat “Rama ik”.

    Efektivët e policisë janë duke i ndaluar protestuesit për t’u afruar në vendin, ku po zhvillohet takimi.

  • 20:03

    Basha ka ditëlindjen, Rama e uron nga Lushnja: Sot është e veçantë, i uroj shëndet

    Kryeministri Edi Rama nga Lushnja, ku edhe po zhvillonte një takim me qytetarët i ka uruar ditëlindjen kryedemokratit Lulzim Basha.

    Rama tha se 12 qershori ishte një ditë e veçantë pasi 28 vjetori i Ps përkonte me ditëlindjen e Bashës.

    “Sot është ditë e veçantë. Sot është 28 vjetori i PS-së, është edhe ditëlindja e Lulzim Bashës. I uroj shëndet por jo fitore Lulzim Bashës. Megjithëse kam përshtyjen se vetëm ta linim të hynte në zgjedhje nuk do të fitonte dot.”

  • 19:46

    Rama ironizon deklaratën e Metës: Ka informacione nga filxhani i Monikës, 30-ta i doli me kokë poshtë

    Kryeministri Edi Rama, gjatë takimit elektoral në Divjakë, nuk ka lënë pa thumbuar edhe Presidentin Ilir Meta.

    Rama ironizoi me deklaratën e presidentit, i cili tha se kishte informacione nga organet ligj-zbatuese për destabilitet në protestën e 8 qershorit të opozitës. “Informacione nga filxhani i Monikës që thotë se në fund të filxhanit duket një 30 me kokë poshtë”, ka ironizuar Rama.

    “Kam informacione thotë Meta nga organet ligj-zbatuese, domethënë nga filxhani i Monikës që thotë se në fund të filxhanit duket një 30 kokë poshtë, madje që në datë 8, kishte dalë si teta si gjarpër që do t’i hante kokën dhe ky tha “ndaloni”. Këto ishin informacionet nga organet ligj-zbatuese”, tha kryeministri Rama.

  • 19:08

    Rama humor me opozitën: Molotovët do i përdorin për vete, kanë frikë si lepujt e Lushnjes

    Kryeministri Edi Rama ka ironizuar protestat e opozitës me bomba molotov pra godinës së Kryeministrisë.

    Në takimin e tij në Divjakë, Rama ka thënë se opozita do t’i përdorë për vetë bombat e mbetura duke i krahasuar edhe me lepujt.

    “Molotovët e mbetur do t’i përdorin për veten e tyre. Kur bërtasin më shumë atëherë kanë më shumë frikë. Jo si lepuri po si dhelpra e Lushnjes, të cilës meqë ra fjala i kemi dhënë lirinë”, u shpreh kryeministri.

  • 18:53

    Rama prish 'armëpushimin' me mediat, u kërkon ndjesë socialistëve: Më falni që përmenda emrin e Saliut

    Rama tha para qytetarëve në Divjakë se nuk do të lejojë opozitën që të shkatërrojnë reformën në drejtësi. Rama si gjithmonë nuk la pas batutat, duke u shprehur:  “Më falni që e përmenda emrin e Saliut në 28 vjetorin e PS, se është i gatshëm që ta dërgojë deri në zjarrëvënie politikën”.

    Pjesë nga fjala e kryeministrit Rama:

    Nuk jam unë problemi i tyre jam thjesht pengesa që nuk i lë të varrosin reformën në drejtësi. Lë për ata të tjerët kazan ishin, kazan janë dhe kazan do të jenë po s’kam nevojë tua them unë se e dini vetë. Çdo natë përpiqen t;u mbushin mendjen se do të ndodhë një 97 e dytë. Ata që e shkaktuan 97 sot janë aq të dëshpëruar saqë mund të tmerrojnë dynjanë me 97. Madje arrijnë deri aty, siç Saliu e ka treguar, më falni që e përmenda emrin e tij në 20 vjetorin e PS, se është i gatshëm që ta dërgojë deri në zjarrëvënie politikën. Sa i takon shqetësimit shumë të madh të Ilir Metës, përsëris këshillën e Mamicës. Ke hall? Bind Monikën dhe atë tjetrin që të mos ndërsejnë Lulin.

  • 18:49

    Rama nuk tërhiqet: Meta e humbi të drejtën për të qenë në atë zyrë, parlamenti reagon

    Gjatë takimit me qytetarët në Divjakë Rama tha se Ilir Meta kreu një akt të shëmtuar, pasi firmosi dekretin për anulimin e zgjedhjeve më 30 qershor. Sipas kryeministrit, parlamenti ka të drejtë të reagojë në emër të sovranit nëse presidenti “çmendet.”

    Ilir Meta ka kryer një akt të panjohur në historinë e qeverisjes së botës, firmos dhe ç’firmos. Por sipas këtij rregulli nuk do kishte shtet dhe drejtim në mbarë botën. Kjo do mbetet një vepër e shëmtuar, papërgjegjshmërie dhe nuk mund të pranohet dhe as të tolerohet. Meta e ka humbur të drejtën për të qëndruar më në atë zyrë. Parlamenti ka të drejtë të reagojë në emër të sovranit nëse presidenti çmendet”, u shpreh Rama.                                                         

  • 18:40

    Anulimi i zgjedhjeve, Rama: Opozita kundër integrimin, vendimi i Metës tregoi ku 'fle lepuri'

     

    Rama ka deklaruar se kundërshtarët politikë kanë kapitulluar, pasi kanë frikë të dalin para njerëzve dhe të maten me ne. Ai u shpreh se ka akoma shumë për të bërë, duke shtuar se akti i Metës është i papërgjegjshëm.

    Kryeministri Edi Rama: Do kishim dëshiruar shumë që këtë fushatë të kishim garë me kundërshtarët tanë, kush ka idetë më të mirë, kandidatët më të mirë. Por kundërshtarët tanë kanë kapitulluar. Janë kthyer në një kamp anti-intergim.Kanë frikë të dalin para njerëzve dhe të maten me ne. akti i fundit i Ilir Metës e ka zbardhur të gjithë planin dhe na ka lënë të kuptojmë se ku fle lepuri. Ne kemi bërë shumë por jo aq shumë sa kemi dashur të bënim. Jo gjithçka e kemi bërë shumë mirë, madje ka edhe gjëra që nuk i kemi bërë shumë mirë. Kemi pasur momente që nuk kanë qenë të këndshme për ne. ne nuk jemi të rënë nga qielli por më të mirë se ne nuk ka pasur dhe nuk ka.

  • 18:40

    28- vjetori i PS, Rama tregon ftesën e socialistëve: U thashë s'ka vend më të mirë se me Braçen

    Kryeministri Edi Rama gjatë takimit të tij me qytetarët në Divjakë është shprehur se e kishte zgjedhur vetë qytetin se ku do të festonte.

    Sipas Ramës, 28 vjetorin e PS-së, nuk mund ta festonte askund tjetër veçse krah zv.kryeministrit Erion Braçe.

    Pjesë nga fjala e kryeministri Edi Rama:

    Sot për 20 vjetorin e PS-së do të bëhet një organizim i madhe në Tiranë. Më kërkuan të isha aty, unë i thashë së nuk ka vend më të mirë për të festuar sesa me Erion Braçën në Divjakë. Për shkak të Erionit një figure të rëndësishme në PS, por edhe për shkak të punës që ëshët bërë. Erioni nuk është vetëm tifoz i Juventusit por edhe i Partizanit, i ka bashkuar në një dhe ka krijuar një skuadër fantastike. Është kënaqësi të vish këtu për të kërkuar mbështetje edhe më të madhe për kryetarin e Bashkisë sepse flet puna. Nuk ka nevojë të flasim fare.

  • 18:25

    Zgjedhjet e 30 qershorit/ Zbardhet porosia e Braçes për qytetarët: Secili prej jush të sjellë 20-30 vetë në qendrat e votimit.

    Zv.kryeministri Erion Braçe nga takimi me qytetarët në Divjakë, iu ka kërkuar që të mos mungojnë më 30 qershor, por të shkojnë për të votuar Partinë Socialiste.

    Mos mungoni më 30 qershor në qendrat e votimit, Ta harrojnë se mund të pengojnë ne për ta çuar këtë vend para në Europë. Kujtojani që më 30 qershor çdo kush duhet të vijë të votojë më 30 qershor partinë socialiste.

    Secili prej jush duhet të sjellë në qendrat e votimit, siç e kemi lënë, të paktën 20-30 vetë, të votojnë  për këtë vend”, u shpreh Braçe.

  • 18:17

    28- vjetori i PS, Braçe nuk harron 'të vjetrit': I uroj ditën e lindjes së PS-së Fatos Nanos

    Zv.kryeministri Erion Braçe nga takimi me qytetarët në Divjakë i ka uruar disa prej socialistëve më të vjetër.

    Mes emrave të përmendur nuk ka munguar as emri i liderit historik të PS-së, Fatos Nanos.

    “Dua tja uroj pa diskutim ditën e lindjes të Partisë Socialiste Fatos Nanos, Gramoz Ruçit, Moikom Zeqos, Arta Dades, Servet Pëllumbit,“-tha Braçe.

Një Koment në “Socialistët festojnë 28-vjetorin në Divjakë, Rama: Akti i Metës i shëmtuar, Kuvendi do reagojë

  1. te dashur kar-zetare,festat nuk behen ne 8 te mengjezit dhe meqe jeni injorante po jua mesoj se ne ne divjake mushkonjave u themi pidhza

Shto Koment