Sport

“Scudetto” shpëtimi i vetëm për Konten, te “zikaltrit” piketohet pasuesi…

Fitimi i “scudetto”-s në Seria A është kushti i vetëm për Antonio Konte, për të vazhduar në pankinën e Interit. Detyrë e vështirë, përvoja e zikaltërve këtu është e hidhur
Featured image of article: “Scudetto” shpëtimi i vetëm për Konten, te “zikaltrit” piketohet pasuesi…
Përditësuar:

ITALI – Dështimi në Champions League, parashikon një tsunam në pankinën e Interit. Tani në kampin zikaltër të Milanos sytë dhe shpresat janë kthyer nga kampionati. Fitimi i “scudetto”-s në Seria A është kushti i vetëm për Antonio Konte, për të vazhduar në pankinën e Interit. Detyrë e vështirë, përvoja e zikaltërve këtu është e hidhur.

“Curva Nord”, grupi kryesor i tifozëve ultras që mbështet Interin, ka dalë me një komunikatë ditën e djeshme, duke deklaruar se do vazhdojnë të mbështesin skuadrën e zemrës, teksa llogaritë duhen bërë në fund të sezonit. Sakaq drejtuesit duan titullin, kusht që duhet të plotësohet nga trajneri për të vijuar të jetë pjesë e Interit. Nëse Lukaku me shokë nuk shpallen kampionë Italie, Konte do të shkarkohet.

Pasardhësi? Atë e zbulon “La Stampa”. Flitet për Maksimilian Alegrin, ish-trajnerin e Juventusit dhe Milanit. 53-vjeçari qëndron pushim prej majit të vitit 2019 dhe Interi do të ishte një destinacion super për trajnerin nga Liverno.

Për më shumë bëhu pjesë e grupit më viral në Facebook, Dosja.al

B.T (Dosja.al) 

Shto Koment