Politike

“S’keni shans”, Ralf Gjoni-Ballës: Qeveria qëndron në këmbë falë nesh, Rama pranë një marrëveshjeje (VD)

Ralf Gjoni ka deklaruar se Rama është pranë një marrëveshjeje për zgjidhjen e krizës.

Tiranë– Deputeti Ralf Gjoni ka deklaruar se mazhoranca mbahet në këmbë falë deputetëve të opozitës së re.

Ai ka deklaruar se tashmë kryeministri Edi Rama është pranë një pazari për zgjidhjen e krizës politike.

“Jeni të lumtur, kuptohet se prezenca jonë mban një mazhorancën në këmbë. Presidenti është krenar se i parapriu një lufte civile.  Rama krenar për punën që ka bërë. Rama është afër një pazari, kështu po dëgjoj zoti Balla. Edhe opozita për krenaritë e veta. Nuk ka marrëveshje me këtë maxhorancën për sistemin zgjedhor pa miratimin tonë. Nuk ka shans askush ta bëjë këtë”, është shprehur Ralf Gjoni.

Në seancën e sotme plenare pati diskutime për Reformën Zgjedhore, ku pati debate mes Myslim Murrizit dhe Taulant Ballës. Nuk mungoi edhe një deklaratë nga Ditmir Bushati, i cili deklaroi se kemi një sistem pa vlera. Murrizi-Ballës: Kanceri është sistemi. Kryeministri Edi Rama nuk ishte i pranishëm pasi ndodhet në Vjenë.

J.V/Dosja.al

Shto Koment