Politike

Skandali në Bashkinë e Vorës! Vojo Bregu: Një i dënuar për vepër të rëndë penale rivlerëson banesat e dëmtuara nga tërmeti në Vorë, shtëpinë e xhaxhait të kryebashkiakut e vlerësoi nga DS1 në DS5

VIDEO
Vojo Bregu, në deklaratën e tij për shtyp nga selia e LSI-së, Bregu risjell denoncimin për emërimet e paligjshme në Bashki, por tani flet me emra. Gjatë fjalës së tij përmend një prej të emëruarve, Durim Ibrahimin, i cili është dënuar më vitin 2017 për "armëmbajtje pa leje".

TIRANË- Koordinatori i Lëvizjes Socialiste për Integrim në Vorë, Vojo Bregu në një konferencë për shtyp ka bërë denoncimin e radhës për shkeljet e kryera në Bashkinë e Vorës nga kryetari i saj, Gentian Picari.

Në deklaratën e tij për shtyp nga selia e LSI-së, Bregu risjell denoncimin për emërimet e paligjshme në Bashki, por tani flet me emra. Gjatë fjalës së tij përmend një prej të emëruarve, Durim Ibrahimin, i cili është dënuar më vitin 2017 për “armëmbajtje pa leje”. Ibrahimi edhe pse në postin e këshilltarit, është caktuar nga vetë Picari edhe si anëtar i Komisionit të Rivlerësimit të dëmeve të shkaktuara nga tërmeti i 26 nëntorit.

Për t’i kthyer “nderin” për emërimin në detyrë Ibrahimi, banesën e xhaxhait të kryetarit të Bashkisë, Sherif Picari e ka rivlerësuar nga niveli i dëmtimeve DS1 në DS5. Dëmshpërblim që lëviz nga 1 milionë lekë të vjetra në maksimalish 34 milionë. Në fund, Bregu i ka kërkuar Prokurorisë së Posaçme (SPAK) që të hetojë rastin.

Për më shumë bëhu pjesë e grupit më viral në Facebook, Dosja.al

“Durim Ibrahimi i emëruar pas këtyre ndryshimeve të përmendura më lart në postin e këshilltarit të kryetarit të bashkisë së Vorës, rezulton person i dënuar me vendimin penal të formës së prerë numër 24/46, datë 21.09.2017 për veprën penale ‘Prodhim dhe mbajtje pa leje të armëve luftarake’. Personi në fjalë, përveç rolit të këshilltarit, është caktuar nga kryetari i Bashkisë së Vorës, Gentian Picari dhe si anëtar i komisionit të rivlerësimit të dëmeve nga tërmeti. Ky është dhe dokumenti që tregon që shtetasi Durim Ibrahimi, një person me precedentë penalë, jo vetëm shkel ligjin duke marrë një funksion publik por ka dhe kompetencën të vlerësojë dhe rivlerësojë dëmet e shkaktuara nga tërmeti i 26 nëntorit. Shtetasi Durim Ibrahimi pikësëpari ka menduar t’i kthejë nderin kryetarit të bashkisë që e ka emëruar në kundërshtim me ligjin. Pikërisht në ushtrim të detyrës për rivlerësimin e dëmeve, punën e ka nisur me banesën e xhaxhait të kryetarit të Bashkisë, zotit Sherif Picari. Në vlerësimin e parë, banesa e shtetasit Sherif Picari është vlerësuar në nivelin e dëmtimeve DS1. Sipas këtij niveli bazuar në VKM-në përkatëse, zoti Picari do të merrte maksimumi 1 milionë lekë të vjetra. Por pas rivlerësimit të bërë nga Durim Ibrahimi, banesa e shtetasit Sherif Picari çuditërisht, ka kaluar në nivelin DS5. Ky kapërcim i paligjshëm i jep mundësinë zotit Sherif Picari që nga 1 milionë lekë të vjetra, minimalisht të përfitojë 24 milionë ose maksimalisht 34 milionë të vjetra, bazuar në sipërfaqen e banesës,”-tha ai.

DENONCIMI I PLOTË:

Jemi këtu për të denoncuar skandalin e radhës në Bashkinë e Vorës. Mesa duket Rilindjes nuk i ndahet shpirti nga personat me të shkuar kriminale në të gjithë Shqipërinë dhe në zonën e Vorës në veçanti. Rasti që po paraqesim bën fjalë për emërimin anti ligjor të radhës kryer nga kryetari i pazgjedhur i Bashkisë së Vorës, Gentian Picari. Para disa ditësh në kemi denoncuar publikisht ndryshimin dhe shtimin e numrit të punonjësve në struktrurën e Bashkisë së Vorës. Ky ndryshim ka pasur si synim punësimin e militantëve të rilindjes si dhe njerëzve me precedentë të theksuar penalë. Më konkretisht, shtetasi Durim Ibrahimi i emëruar pas këtyre ndryshimeve të përmendura më lart në postin e këshilltarit të kryetarit të bashkisë së Vorës, rezulton person i dënuar me vendimin penal të formës së prerë numër 24/46, datë 21.09.2017 për veprën penale ‘Prodhim dhe mbajtje pa leje të armëve luftarake’. Personi në fjalë, përveç rolit të këshilltarit, është caktuar nga kryetari i Bashkisë së Vorës, Gentian Picari dhe si anëtar i komisionit të rivlerësimit të dëmeve nga tërmeti. Ky është dhe dokumenti që tregon që shtetasi Durim Ibrahimi, një person me precedentë penalë, jo vetëm shkel ligjin duke marrë një funksion publik por ka dhe kompetencën të vlerësojë dhe rivlerësojë dëmet e shkaktuara nga tërmeti i 26 nëntorit. Shtetasi Durim Ibrahimi pikësëpari ka menduar t’i kthejë nderin kryetarit të bashkisë që e ka emëruar në kundërshtim me ligjin. Pikërisht në ushtrim të detyrës për rivlerësimin e dëmeve, punën e ka nisur me banesën e xhaxhait të kryetarit të Bashkisë, zotit Sherif Picari. Në vlerësimin e parë, banesa e shtetasit Sherif Picari është vlerësuar në nivelin e dëmtimeve DS1. Sipas këtij niveli bazuar në VKM-në përkatëse, zoti Picari do të merrte maksimumi 1 milionë lekë të vjetra. Por pas rivlerësimit të bërë nga Durim Ibrahimi, banesa e shtetasit Sherif Picari çuditërisht, ka kaluar në nivelin DS5. Ky kapërcim i paligjshëm i jep mundësinë zotit Sherif Picari që nga 1 milionë lekë të vjetra, minimalisht të përfitojë 24 milionë ose maksimalisht 34 milionë të vjetra, bazuar në sipërfaqen e banesës, gjithmonë sipas VKM-së përkatëse. I bëjmë thirrje SPAK-ut, që të fillojë menjëherë hetimet për këtë rast të faktuar, pasi ky nuk është rasti i vetëm në Bashkinë e Vorës. Ne kemi denoncuar dhe ju sigurojmë që do të vijojmë të denoncojmë çdo rast abuzimi, në mënyrë që çdo qytetar të dëmshpërblehet në vlerat reale të dëmeve që ka pësuar dhe jo sipas lidhjes fisnore me kryetarin e bashkisë. Ndaj në 25 prill, qytetarët e Vorës dhe të gjithë Shqipërisë duhet të votojnë për të larguar nga karriget e pushtetit këtë bandë kriminale që i diferencon qytetarët sipas teserës dhe lidhjes farefisnore.

(k.m;f.g/dosja.al)

Shto Koment