Politike

Skandali me të dhënat personale, Bregu: Komisioneri për Informimin në heshtje absolute! Reago, mos u merr me blerje stilolapsash dhe leckash pastrimi (KËRKESA)

Vojo Bregu, kandidat i LSI në Tiranë, në një postim në rrjetet sociale kërkon nga Komisioneri, post të cilin aktualisht e mban  Besnik Dervishi, të reagojë në një rast si ky që është një dhunim flagrant i të dhënave personale të qytetarëve, e të mos merret me shpenzimet e kota.
Featured image of article: Skandali me të dhënat personale, Bregu: Komisioneri për Informimin në heshtje absolute! Reago, mos u merr me blerje stilolapsash dhe leckash pastrimi (KËRKESA) Vojo Bregu

TIRANË- Një javë pas publikimit të skandalit me mbledhjen e të dhënave për 910 mijë qytetarë nga ana e Partisë Socialiste, LSI kërkon reagimin e Komisionerit për të Drejtën e Informimit dhe Mbrojtjen e të Dhënave Personale. Vojo Bregu, kandidat i LSI në Tiranë, në një postim në rrjetet sociale kërkon nga Komisioneri, post të cilin aktualisht e mban  Besnik Dervishi, të reagojë në një rast si ky që është një dhunim flagrant i të dhënave personale të qytetarëve, e të mos merret me shpenzimet e kota.

POSTIMI I PLOTË: 

Një ndër çuditë e skandalit të famshëm të patronazhistëve është heshtja absolute nga ana e Komisionerit për të Drejtën e Informimit dhe Mbrojtjen e të Dhënave Personale. Ky rol, ashtu siç përcaktohet qartazi në misionin e tij dhe rezolutat parlamentare që e mbështesin, ka për detyrë të reagojë pikërisht në raste të tilla flagrante të dhunimit të të dhënave personale të qytetarëve.
Fatkeqësisht, në vend që të impenjohet në këtë drejtim, komisioneri zgjedh të bëjë shpenzime të kota me paratë e taksapaguesve si prsh blerje e stilolapsave me majë të rrumbullakët, blerje leckë pastrimi dhe fshesa, larje makinash, prodhim video sensibilizuese etj.
I bëj thirrje komisionerit, dhe gjithë institucioneve që paguhen për të ruajur privatësinë e qytetarëve nga abuzimi i pushtetarëve, të mos shpenzojnë kohën kot me aktivitete sensibilizuese në shkolla 9 vjeçare por të përmbushin detyrat e tyre ligjore dhe kushtetuese, në përputhje me misionin e tyre.

Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.

Çfarë ka ndodhur me të dhënat personale të qytetarëve?

Skandali është zbuluar disa ditë më parë nga Lapsi.al. Një database me të dhënat e mbi 910 mijë votuesve, përfshirë këtu një sërë emrash të njohur, janë të skeduar me preferencat politike dhe shanset se për kë do të votojnë me 25 prill. Sipas portalit, ky regjistër elektronik është shpërndarë në të gjitha degët e PS në Shqipëri dhe të dhënat janë marrë nga e-albania. Në një reagim, AKSHI mohoi të ketë gisht në këtë database, ndërsa nga PS është mohuar se dokumenti i përket zyrës së tyre, megjithatë kanë pranuar se kanë një të ngjashëm të akumuluar nga puna në terren me qytetarët. Por SPAK nuk e ka quajtur këtë një krim zgjedhor, ndërsa dje mori në pyetje dy botuesit por asnjë nga zyrtarët e lartë të PS.

(F.g/dosja.al)

Shto Koment