Aktualitet

Skandali me sanitaren tek COVID2/ Rama thyen heshtjen, i kthehet komentuesëve: Mos i fusni në një thes të gjithë…duro të vijë 25 prilli

Në videon e publikuar nga Rama nga vizita në depon e ilaçeve në QSUT, nuk kanë qenë të pakët komentuesit që kërkojnë përgjigje nga Rama lidhur me  skandalin e spitalit COVID-2.
Featured image of article: Skandali me sanitaren tek COVID2/ Rama thyen heshtjen, i kthehet komentuesëve: Mos i fusni në një thes të gjithë…duro të vijë 25 prilli Edi Rama

TIRANË– Pas skandalit në spitalin COVID2 ku sanitarja Tire Alldervishaj  mashtroi familjaren e një pacienteje duke u hequr si infermiere, ndekësit kanë ‘kryqëzuar’ Ramën në ‘Facebook’.

Në videon e publikuar nga Rama nga vizita në depon e ilaçeve në QSUT, nuk kanë qenë të pakët komentuesit që kërkojnë përgjigje nga Rama lidhur me  skandalin e spitalit COVID2.

Një prej komentuesve, shpreh keqardhje për të shtruarit në spitale teksa shkruan, ‘Ti mund të kesh 10 jo 1 depo të tilla, por me ato që dëgjojmë gjynah për familjarët dhe ato që janë shtruar’.  Rama ia kthen duke shkruar se; “mos degjo po shiko, se me te degjuar behesh per gjynah edhe ti qe degjon!”.

Për më shumë bëhu pjesë e grupit më viral në Facebook, Dosja.al

Një tjetër qytetar i shkruan Ramës se nuk janë imbursuar për ilaçet e Covid, madje ka paguar infermerët dhe mjekët nën dorë. “Po ne qe e kemi me te provuar e faktuar, kupona tatimore te gjith ilaceve e vizitave qe kemi blere/bere per nje person te semure nga covidi,apo leket dhen mjekeve edhe infermiereve ti mund te thuash cte duash zoteri i dashur por ne qe e kemi provuar ne kurriz sna e shet dot sapunin per djath”, shkruan qytetari. Po ashtu Rama i kthehet flakë për flakë qytetarit, duke shtuar se jo te gjithe mjeket dhe infermieret duhet te futen ne nje thes. “E para nuk fola per kupona edhe pse per te semuret nga Covidi e kemi perseritur njemije here qe kur trajtohen ne shtepi, duhet te marrin receten vetem nga mjeku i familjes dhe te qendrojne tek dy paketat baze qe rimbursohen 100% nga shteti, sepse perndryshe shpenzojne pa qene nevoja dhe marrin ilace qe mund t’iu bejne edhe dem! Ndersa per leket qe i paske dhene mjekeve e infermiereve nuk e di se s’kam asnje prove per kete, por nuk besoj se ke paguar gjithe mjeket e infermieret e Shqiperise qe i fyen, duke i futur te tere ne nje thes!”, shkruan Rama.

Ditën e djeshme, ‘STOP’ zbuloi skandalin në spitalin COVID2, ku sanitarja Tire Alldervishi, u hoq si infermiere e ‘Shefqet Ndroqit’ dhe i mori vajzës së një pacienteje me COVID rreth 8 mln lekë të vjetra me pretendimin se do t’i shërbente. Ka qenë vajza e 55-vjeçares, e cila denoncoi skandalin, ndërsa publikoi edhe bisedat me të ëmën e ndjerë, e cila i thoshe se nuk i jepnin ushqim dhe nuk e trajtonin mirë.  Pas zbulimit të skandalit, Tire Alldervishi është arrestuar sot nga uniformat blu.

(kle.mu./dosja.al)

Një Koment në “Skandali me sanitaren tek COVID2/ Rama thyen heshtjen, i kthehet komentuesëve: Mos i fusni në një thes të gjithë…duro të vijë 25 prilli

  1. Sanitare = 800000 po infermieri ???sa ?? Po doktori ??? Sa ?? Pyetja 1 lekshe ….pa tvsh .

Shto Koment