Politike

Skandali me Agim Kajmakun, Posta Shqiptare ngatërron adresën e bashkisë së Vorës. Prokuroria i lë përgjegjësinë

Nuk bëhet fjalë për një libër adresash që nuk ekziston dhe as duket se do të jetë në planet e afërt të institucionit. Ata që shpenzojnë 30 milionë për të rregulluar zyrat, 1 vit pasi i kanë bërë të reja, nuk kanë fonde për të ndërtuar një regjistër adresash.
Featured image of article: Skandali me Agim Kajmakun, Posta Shqiptare ngatërron adresën e bashkisë së Vorës. Prokuroria i lë përgjegjësinë Agim Kajmaku dhe Posta Shqiptare

TIRANE Prokuroria e Përgjithshme, nëpërmjet njoftimit për Agim Kajmakun, ka zbuluar se në çfarë derexheje është Posta Shqiptare. Prokuroria justifikohet se nuk ka mundur të marrë shenjat e gishtave të Kajmakut, direkt nga ai, pasi shërbimi i postës ka ngatërruar adresën.

Në pamje të parë, mund të duket si një justifikim banal i Prokurorisë, që nuk ka bërë detyrën dhe nxjerr argumente të pabesueshme, por, fakti që përmend Postën Shqiptare, e shndërron këtë në një akuzë të besueshme ndaj një institucioni, të katandisur në pikë të hallit.

Nuk bëhet fjalë për një libër adresash që nuk ekziston dhe as duket se do të jetë në planet e afërt të institucionit. Ata që shpenzojnë 30 milionë për të rregulluar zyrat, 1 vit pasi i kanë bërë të reja, nuk kanë fonde për të ndërtuar një regjistër adresash.

Batërbia urbane e viteve të fundit, e shoqëruar me papërgjegjshmërinë dhe korrupsionin në Postën Shqiptare, ka sjellë një amulli që i ka bërë dërgesat më pëllumba më të sigurta se ato me postë.

Këtu nuk bëhet fjalë vetëm për paaftësinë e drejtuesve, as vetëm për shpërdorimin e parave për të blerë televizorë dhe kolltuqe në vend të regjistrit të adresave.

Ka një papërgjegjshmëri ulëritëse, që nuk mund ta fshehë dot as Prokuroria e  Përgjithshme, që nuk mund të mos vërë duart në kokë as lajmëtari më i humbur I lagjes.

Për më shumë bëhu pjesë e grupit më viral në Facebook, Dosja.al

Posta Shqiptare ngatërron adresën e një kryetari bashkie në detyrë, postierët nuk dinë adresën e Bashkisë së Vorës, nuk dinë zyrën e kryetarit të Bashkisë.

Ky është rasti më i mirë, për të mos e akuzuar që janë bërë palë për fshehjen e gjurmëve të një krimi, duke mos e kryer porosinë e prokurorisë me një argument skandaloz.

Në të dyja rastet, konfirmohet se ky institucion ka marrë fund. Nëse nuk kryen dot një porosi të Prokurorisë së Përgjithshme në një adresë që e dinë të paktën të gjithë banorët e Bashkisë së Vorës, ç’ndodh me porositë dhe dërgesat e qytetarëve?

Ç’ndodh me ata që nuk e kanë kuptuar akoma që Posta Shqiptare ka marrë fund dhe paguajnë për të mbaruar punë nëpërmjet saj?

Ata që kanë zgjedhur të shërbehen nga Posta Shqiptare, me siguri i janë drejtuar Portalit të Bashkëqeverisjes, të cilin Kryeministri është kujdesur mos ta bazojë tek letrat e postës, se me siguri do ngatërronin edhe adresën e Kryeministrisë.

Shto Koment