Aktualitet

S’jam ai që thonë/ ‘Mafia shqiptar i Burgjeve” rrëfehet mbi vrasjet në Koridalos, kush e vrau Bandiol Tushën dhe Albert Bakon

Klodian Lekocaj ka komentuar akuzat të cilat rëndojnë mbi të. I ashtuquajturi "Mafia i burgjeve" ka mohuar akuzat që rëndojnë mbi të për vrasjen e Albert Bakos dhe Bandiol Tushës.
Featured image of article: S’jam ai që thonë/ ‘Mafia shqiptar i Burgjeve” rrëfehet mbi vrasjet në Koridalos, kush e vrau Bandiol Tushën dhe Albert Bakon Burgu i Koridalosit

GREQI– Klodian Lekocaj, shqiptari i ashtuquajtur “Mafia i burgjeve” në një bisedë telefonike nga spitali i burgut të Koridalosit me gazetarin Shpëtim Zinxhirian gjatë së cilës ka komentuar akuzat të cilat rëndojnë mbi të.

Shqiptari i burgosur u shpreh se nuk kishte kryer asnjë nga vrasjet për të cilat akuzohej duke treguar edhe detaje lidhur me eleminimet e Albert Bakos dhe Bandiol Tushës.

“Nuk jam ai që thonë, por jam një i dënuar për vjedhje xhepash dhe për lëndë narkotike. Për këto jam dënuar 26.7 vite burg, ku ndodhem brenda që nga viti 2006. Gjatë kësaj kohe akuzohem për tre plagosje me armë dhe për këto të tre plagosje dola i pafajshëm. Por ajo që desha të them është se këtu duan të më ngarkojnë gjëra që si kam bërë. Pak kohë më parë në televizor u fol për përgjimet duke më akuzuar mua si autorin, po të më japin mua zërin e përgjimeve ju them unë se kush i bën ato.  Greku që u vra pak kohë më parë donte të më helmonte mua, këtu vrasjet bëhen tjetër për tjetër.”

Vrasja e Bandiol Tushës

Lekocaj: Bardhylin e vranë me helm pasi nuk donte të më akuzonte mua për gjëra që nuk i kisha bërë. Ai u helmua nga një shqiptar që rrinte bashkë me të në të njëjtën qeli, ndërsa gardianët thoshin se ai vetëvarur. Pra ishte shoku i dhomës që e helmoi, nuk e preku me dorë kur po e çonin në spital këtë e kuptova si një hajdut xhepash di edhe psikologjinë e tjetrit, kur kryen vepra të tilla. Po si ka mundësi që një i vetëvarur të ecë 500 metra nga qelia e tij, dhe të mos këtë shenja në trup. Kur e çuan në spital atij po i dilte gjak nga goja dhe ishte ende gjallë. Tani duan të më akuzojnë për vrasjen e Zafiropulos. Për këto detyruan Bardhylin që të më akuzonte po ai nuk pranoi dhe me pas e vranë…

Për më shumë bëhu pjesë e grupit më viral në Facebook, Dosja.al

Vrasja e Albert Bakos

Lekocaj: Të gjitha këto i bëjnë që të më akuzojnë mua se unë e vrava Arben Bakon. Pas disa ditësh do të paraqitem para trupit gjykues por ende nuk më kanë caktuar një avokat.

Shqiptari Klodian Lekocaj është i burgosur që prej shtatorit të vitit 2018 në burgun e Koridalos në Athinë. Lekocaj mësohet se ka pasur një ndikim të madh mbi mafien në Greqi. Edhe pse ai është i burgosur ka arritur gjithmonë që t’u japë urdhra “ushtarëve” të tij nga qelia.

Lekocaj akuzohet për vrasjen e dy shqiptarëve Albert Bako dhe Bandiol Tusha në burgjet greke. Përgjimet e policisë greke nxjerrin së fundmi, se Lekocaj ka urdhëruar vrasjen e të dy shqiptarëve, por arsyet nuk janë bërë ende publike.

(k.m./dosja.al)

Shto Koment