Aktualitet

Situata alarmante e COVID-19, KMSH njofton besimtarët: Kemi gati protokollin e ri, ja masat që duhet të zbatoni

KMSH shkruan se nisur nga situata u ka kërkuar të gjithë myftijve, nëpërmjet një qarkoreje, zbatimin me rigorozotet të të gjitha masave të marra më herët për parandalimin e përhapjes së COVID-19.
Featured image of article: Situata alarmante e COVID-19, KMSH njofton besimtarët: Kemi gati protokollin e ri, ja masat që duhet të zbatoni KMSH, foto ilustruese

TIRANË- Komuniteti Mysliman Shqiptar ka marrë sot një vendim për miratimin e protokollit në lidhje me masat kufizuese që duhet të zbatojnë besimtarët në xhami. Në një njoftim për mediat, KMSH shkruan se nisur nga situata u ka kërkuar të gjithë myftijve, nëpërmjet një qarkoreje, zbatimin me rigorozotet të të gjitha masave të marra më herët për parandalimin e përhapjes së COVID-19.

Sipas masave të reja, mësohet se xhamitë do të dezinfektohen pas çdo frekuentimi nga qytetarët, mbajtja e maskave dhe dorezave është bërë me detyrim, po ashtu besimtarët duhet të ketë sexhade personale.

NJOFTIMI I PLOTË

Prej disa muajsh jemi në një situatë të pazakontë, e cila ka sjellë mjaft vështirësi dhe kufizime në jetën dhe përditshmërinë tonë. Të vetëdijshëm që mbrojtja e shëndetit dhe jetës së çdo njeriu është detyrim parësor për të gjithë ne, që në fillimet e përhapjes së pandemisë COVID-19, Komuniteti Mysliman i Shqipërisë mori disa masa parandaluese dhe vendime kufizuese në lidhje me jetën fetare në vend. Ditët e fundit verëhet një shtim i ndjeshëm në rastet e prekura me koronavirus, rrijte e numrit të vdekjeve si pasojë e këtij virusi si dhe përhapje e kësaj sëmundjeje në të gjithë territorin e vendit. Nisur nga kjo situatë, KMSH u ka kërkuar të gjithë myftijve, nëpërmjet një qarkoreje, zbatimin me rigorozotet të të gjitha masave të marra më herët për parandalimin e përhapjes së COVID-19.

Për më shumë bëhu pjesë e grupit më viral në Facebook, Dosja.al

Protokolli i masave: Dezinfektimi i xhamive para se të fillojë frekuentimi. Marrja e abdesit në shtëpi.  Mbajtja e maskës dhe e dorezave. Çdo besimtar duhet të ketë me vete sexhade personale. Mbajtja e distancës fizike gjatë ritualeve. Ndalohet përdorimi i abdesthaneve dhe tualeteve. Personat me simptoma të sëmundjes nuk lejohen të hyjnë në xhami, si dhe personat me sëmundje kronike. Nuk lejohen në xhami grupmoshat nën 12 vjeç si dhe mosha mbi 65 vjeç. Ndalohet qëndrimi në xhami para dhe pas ritualeve si dhe prekja e sendeve si libra, Kur’anë, rafte, etj… Hytbeja e xhumasë të mos jetë më shumë se 10 minuta. Hyrja dhe dalja në xhami të mos jetë në grup.

Ngarkohen të gjitha myftinitë për zbatimin e këtyre masave. Komuniteti Mysliman i Shqipërisë në të gjitha masat e marra dhe në të gjithë hapat që do hidhen në vazhdimësi është konsultuar dhe konsultohet me organet kompetente të shëndetësisë, me synimin dhe qëllimin e vetëm të mbrojtjes së shëndetit dhe jetës së besimtarëve, sidomos të asaj pjese që janë më të rrezikuar nga kjo pandemi dhe që njëkohësisht janë edhe frekuentues të rregullt të xhamive, baballarët dhe gjyshërit tanë. Falënderojmë të gjithë besimtarët që mirëkuptuan, bashkëpunuan dhe u solidarizuan si asnjëherë më parë në përballimin e kësaj situate.

Ky protokoll është miratuar në një kohë kur 2 viktima të tjera janë shënuar nga COVID-19 në 24 orët e fundit. 117 persona janë të infektuar ndërsa 68 janë shëruar nga koronavirusi. Në 24 orët e fundit ka shtim të pacienteve të shtruar, ku aktualisht janë 85 pacientë në spital, 10 pacientë janë në terapi intensive dhe 4 prej tyre janë të intubuar, në gjendje të rëndë.

(A.B. Dosja.al)

Shto Koment