Aktualitet

Si u zbulua në portin e Pireut 70 kg kokainë e nisur nga Panamaja, anija do bënte ndalesë edhe në portin e Durrësit (DETAJET)

Mësohet se ngarkesa e nisur nga Amerika e Jugut, pas ndalesës në portin e Pireut do të bënte një tjetër ndalesë, në portin e Durrësit. Anija kishte si destinacion Bosnjë- Hercegovinën.
Featured image of article: Si u zbulua në portin e Pireut 70 kg kokainë e nisur nga Panamaja, anija do bënte ndalesë edhe në portin e Durrësit (DETAJET) Foto nga droga e sekuestruar

GREQI- Detaje të reja kanë dalë nga operacioni i DEA-s amerikane dhe policisë greke, ku u kapën 70.5 kg kokainë në portin e Puireut. Mësohet se droga u gjet  brenda një kontenieri me banane, e cila ishte fshehur me kujdes në pajisjet e sistemit të ftohjes. Sasia e madhe e kokainës u zbulua falë sistemit me rreze X, i cili pikasi një material të dyshimtë dhe për këtë u vendos të bëhej një kontroll fizik me ndihmën edhe të një qeni anti-drogë, me emrin Axel. Përfundimi ishte zbulimi i 60 pakove me kokainë me një peshë totale prej 70.5 kg

Ndërkohë mësohet se ngarkesa e nisur nga Amerika e Jugut, pas Pireut do të bënte një ndalesë në portin e Durrësit dhe më pas do të udhëtonte drejt Bosnje Hercegovinës.

Për më shumë bëhu pjesë e grupit më viral në Facebook, Dosja.al

Nuk është hera e parë që në këtë port kapet një sasi e madhe kokaine. Më 27 shtator të vitit 2019, policia greke sekuestroi 137 kg kokainë, që ndodheshin brenda 4 konteinerëve që vinin nga Ekuadori. Droga kishte si destinacion portin e Durrësit. Sapo mbërriti ngarekesa në port, grekët sinjalizuan policinë shqiptare. Policia bashkë me prokurorinë hoqi drogën dhe vuri oriz dhe GPS. Pas tri ditësh në port shkuan 2 persona, Altin Myslimhaka dhe Ardian Bega, për të marrë drogën. Të dy, tashmë janë të arrestuar dhe në burg. Në kërkim është Gentian Malindi, ndërsa Prokuroria ka nisur hetimin pasuror për këtë të fundit.

J.V/Dosja.al

Shto Koment