Politike

Si asnjëherë më parë! Shqiptarët votojnë në kushte pandemie më 25 prill, ç’duhet të dini për zgjedhjen e partisë dhe kandidatëve, kujdes me shenjën “X”

Dosja.al ka vendosur t’ju ilustrojë hap pas hapi mënyrën se si të gjithë ata që ende nuk janë njohur me rregullat e reja, do të duhet të prezantohen në qendrat e votimit dhe më pas të bëjnë zgjedhjen e tyre.
Featured image of article: Si asnjëherë më parë! Shqiptarët votojnë në kushte pandemie më 25 prill, ç’duhet të dini për zgjedhjen e partisë dhe kandidatëve, kujdes me shenjën “X” Foto Ilustruese
Përditësuar:

TIRANË– Vetëm pak orë na ndajnë nga 25-prilli, dita që të gjithë shqiptarët do të përzgjedhin emrin e personit, koalicionit apo partisë që do të donin t’i qeveriste në katër vitet e ardhshme. Përveç vendosjes së shenjës “X” në kutitë tuaj të preferuar, duke qenë se jemi në një periudhë pandemie, këto votime zhvillohen në kushte mjaft të veçanta.

Dosja.al ka vendosur t’ju ilustrojë hap pas hapi mënyrën se si të gjithë ata që ende nuk janë njohur me rregullat e reja, do të duhet të prezantohen në qendrat e votimit dhe më pas të bëjnë zgjedhjen e tyre.

Maska Anti-Covid

Në mëngjesin e ditës së dielë, në orën 07:00 të mëngjesit, të parët që do të paraqiten në qendrat e votimit janë anëtarët e komisioneve që do të lejohen që të futen vetëm nëse do të kenë një formular vetëdeklarimi që paraqet gjendjen e tyre shëndetësore, nëse kanë temperaturë apo simptoma të COVID-19. Nëse kanë ethe apo shqetësime të tjera, duhet të qëndrojnë në shtëpi.

Dezinfektantë

Salla e votimit është sugjeruar nga ISHP-ja që të jetë në katin e parë dhe të ketë sa më shumë ajrosje. Në hyrje të saj, çdo qytetar do të ketë një dezinfektant. Me maskë të vendosur, që në hyrje të qendrës së votimit dezinfektoni duart. Një person që qëndron në derën, duhet t’ju masë temperaturën, në mënyrë që të konsideroheni Brenda rregullave të vendsoura nga ISHP-ja për të hyrë Brenda.

Por, mos harroni dhe diçka. Mbani vetëm kartën e identitetit me vete! Nëse futeni me cellular, qoftë edhe pa e përdorur atë, do të konsiderohet si një tentativë për fotografimin e ovtës, diçka që është rreptësisht e ndaluar.

Nëse u jeni përmbajtur këtyre rregullave tani është momenti që të bëhet identifikimi juaj. Me letërnjoftimin në dorë, paraqiteni para anëtarëve të komisionit dhe më pas do t’ju duhet tu drejtoheni qendrave të votimit. Kutia e votimit duhet të jetë 2 metra larg anëtarëve të komisionit të cilët do të jenë të vendosur 1.5 metra larg njëri-tjetrit në mjediset që kërkohet që të jenë dezinfektuar përpara nisjes së procesit të votimit.

Për më shumë bëhu pjesë e grupit më viral në Facebook, Dosja.al

Pasi të keni në dorë letrën e votimit, duhet të dini mënyrën e duhur se si duhet votuar për të shmangur mundësinë që fleta e votimit të dalë e pavleshme. Fillimisht duhet të shënoni me “X” kutinë krah partisë apo koalicionit që ju dëshironi, si në foton e mëposhtme. Nëse votohet për partinë në atë kuadrat dhe për asnjë kandidat nga ajo parti, atëherë është partia ajo që e merr votën dhe konsiderohet e vlefshme.

Nëse votohet për partinë dhe për dy kandidatët e saj, partia e merr votën, por kandidatët jo. Të dy digjen, por vota juaj për partinë është e vlefshme. Nëse votohet për një parti dhe një kandidat, e merr votën partia dhe kandidati po ashtu. Konsiderohet e vlefshme. Nëse votoni për njërën parti dhe për një kandidat që nuk i përket asaj partie, votën nuk e merr as partia dhe as kandidati dhe fleta juaj konsiderohet e pavlefshme.

Duhet të keni parasysh se shenja “X”, duhet të jetë brenda kuadratit në mënyrë që fleta të quhet e vlefshme. Nëse përdoret si shenjë viza, edhe pse është brenda kuadratit mund të konsiderohet e pavlefshme, varet nga interpretimi, pasi mund të jetë edhe aksidentale.

Edhe diçka tjetër, nëse prisni jashtë ambienteve të qendrës së votimit kërkohet që të mos ketë grumbullime, qëndroni me distancë 1.5 metra larg njëri tjetrit. Të gjithë personat që janë të infektuar me COVID-19 nuk u lejohet dalja nga shtëpia dhe praktikisht, as votimi më 25 prill.

(f.m/dosja.al)

Shto Koment