Aktualitet

Shtyhet për në 4 qershor gjyqi për ish-kryebashkiakun e Vorës, Agim Kajmaku

Seanca e radhës pritet të zhvillohet më 4 qershor. Ish-kryebashkiaku po gjykohet në mungesë për akuzat e “falsifikimit të formularëve”, “falsifikimit të dokumenteve” dhe “kryerje e funksionit pas dhënies fund të tij”.
Featured image of article: Shtyhet për në 4 qershor gjyqi për ish-kryebashkiakun e Vorës, Agim Kajmaku Agim Kajmaku

Tiranë- Gjykata e Tiranës ka shtyrë për në 4 qershor, seancën gjyqësore ndaj  ish-kryebashkiakut të Vorës, Agim Kajmaku. Ky i fundit është ende në arrati.  Mësohet se shkak i shtyrjes së kësaj seance gjyqësore u bë mosparaqitja e avokatit mbrojtës të Kajmakut.

Akuzat e PD-së dhe hetimet për Agim Kajmakun

Fillimisht akzuar kundër Kajmakut u ngritën, pasi dyshohet se ai ka marrë vendime pasi KQZ kishte vendosur për shkarkimin e tij nga detyra. Pasi KQZ kishte marrë vendimin kundër tij, ai ka shkarkuar nga detyra dy nënkryetarët e Bashkisë dhe emëroi një të besuar të tij. Më herët, ish-qytetari i parë i Vorës, ishte nën akuza publike nga Partia Demokratike se ishte arrestuar në Greqi, nën emrin Jorgo Toto, për veprën penale të falsifikimit të parave, por që nuk e kishte paraqitur në formularin e Dekriminalizimit.

Për më shumë bëhu pjesë e grupit më viral në Facebook, Dosja.al

Akuzat e PD u konfirmuan edhe nga Prokuroria e Përgjithshme, e cila pasi bëri verifikimin e shenjave të gishtërinjve të Kajmakut dhe shenjat e gishtërinjve të shtetasit Jorgo Toto, të arrestuar në Greqi, rezultoi se ishte i njëjti person. Fillimisht, ai i mohoi akuzat e opozitës, duke thënë se nuk ishte arrestuar asnjëherë, por pas konfirmimit nga Prokuroria, ai publikoi vendimin e Gjykatës së Janinës, që e shpallte atë të pafajshëm, duke thënë se nuk e ka ditur për dënimin në vendin fqinj. Akzuat ndaj Kajmakut janë :“Shpërdorim detyre”, sipas nenit 248 të Kodit Penal, “Falsifikimi i formularëve”, neni 190 i Kodit Penal, dhe “Ushtrim i funksioneve pas dhënies fund të detyrës”, neni 249 i Kodit Penal.

J.V/Dosja.al 

Shto Koment