Bota

Shton rrezikun e pandemisë Covid-19/ Vietnami ndalon kategorikisht tregtinë e kafshëve të egra

Sipas mediave të huaja ky veprim ndalon gjithashtu tregtimin e kafshëve të egra dhe produkteve të tyre, përfshirë edhe shitjet në internet.
Featured image of article: Shton rrezikun e pandemisë Covid-19/ Vietnami ndalon kategorikisht tregtinë e kafshëve të egra Pongolini

VIETNAMI– Vietnami ka ndaluar importin e kafshëve të egra dhe produkteve të kafshëve të egra për të zvogëluar rrezikun e pandemisë të Covid-19.

Sipas mediave të huaja ky veprim ndalon gjithashtu tregtimin e kafshëve të egra dhe produkteve të tyre, përfshirë edhe shitjet në internet.

Vietnami ka qenë më parë i akuzuar për shitjen e produkteve të tilla si të luspave të pangolinit dhe brirët e rinocerontëve, të cilat shpesh përdoren në mjekësinë tradicionale. Ndërkohë shkencëtarët kanë paralajmëruar prej kohësh se tregtia e jetës së egër mund të jetë një inkubator për sëmundjet.

Sipas studimeve origjina e pandemisë aktuale Covid-19 mendohet se qëndron në tregtinë e kafshëve të egra, me sëmundjen që shfaqet nga lakuriqët dhe kaloi te njerëzit përmes një specie tjetër, gjë e cila akoma nuk është identifikuar.

Për më shumë bëhu pjesë e grupit më viral në Facebook, Dosja.al

“Kryeministri urdhëron pezullimin e importeve të kafshëve të egra, të ngordhura ose të gjalla  të vezëve të tyre dhe produkteve. Të gjithë qytetarët, posaçërisht zyrtarët … nuk duhet të marrin pjesë në therje të paligjshme, blerje, shitje, transportim … të kafshëve të egra të paligjshme.”– thuhet në urdhrin e lëshuar të enjten në faqen e internetit të qeverisë vietnameze.

Sipas urdhërit vendi gjithashtu do të eliminojë pikat tregtare të jetës së egër në mënyrë të paligjshme.

Burimi:BBC

(A.K.Dosja.al)

Shto Koment