Rajoni

Shtimi i rasteve të reja me COVID-19 në Greqi/ Baret dhe restorantet në Mikonos, Santorini, Korfuz e Rodos do hyjnë në ‘shtetrrethim’ çdo natë

Restorantet dhe baret në ishujt Mikonos, Santorini, Korfuz, Rodos dhe Kretë çdo natë do të jenë të detyruar të zbatojnë rregullin e ‘shtetrrethit’ nga mesnata deri në orën 07:00 të mëngjesit.
Featured image of article: Shtimi i rasteve të reja me COVID-19 në Greqi/ Baret dhe restorantet në Mikonos, Santorini, Korfuz e Rodos do hyjnë në ‘shtetrrethim’ çdo natë Pamjet nga plazhet ne Greqi

GREQI– Qeveria greke ka njoftuar se do të vendoset “shtetrrethimi” gjatë natës për restorante dhe bare në disa nga destinacionet më të mira turistike, pasi rastet e reja të Covid-19 janë rritur ndjeshëm ditët e fundit.

Zëdhënësja e qeverisë ka njoftuar ditën e djeshme kufizime të reja të hyrjes për ardhjet në Ballkan dhe pasagjerët nga disa vende të BE-së.

Në këtë mënyrë restorantet dhe baret në ishujt Mikonos, Santorini, Korfuz, Rodos dhe Kretë çdo natë do të jenë të detyruar të zbatojnë rregullin e ‘shtetrrethit’ nga mesnata deri në orën 07:00 të mëngjesit.

Greqia është bërë një prej destinacioneve më të preferuara nga turistët e huaj edhe në këto kohë pandemie, teksa vende të tjera janë ende nën masa të rrepta sigurie. Vendimi është marrë të hënën nga qeveria si pjesë e masave ani-Covid. Kufizimi hyn në fuqi nga dita e sotme më 11 gusht deri më 23 gusht.

Për më shumë bëhu pjesë e grupit më viral në Facebook, Dosja.al

Gjithashtu të gjithë pasagjerët që fluturojnë nga Belgjika, Republika Çeke, Holanda, Spanja dhe Suedia që vijnë nga 17 gushti duhet të kenë bërë tamponin jo më parë se 72 orë. Po i njëjti vendim është edhe për ata që hyjnë nga kufijtë tokësorë.

Deri më tani Greqia ka shënuar  213 viktima dhe 5.749 të infektuar, ku mes tyre 3.804 janë shëruar totalisht nga virusi vdekjeprurës, që prej fillimit të shpërthimit.

Burimi: Dailymail 

A.C/Dosja.al

Shto Koment