FactcheckPolitike

KONTRATA/ I shpallur në kërkim nga policia, Ministria e Brendshme i jep tender gruas së Agim Kajmakut, Merita mori kompaninë në korrik

Merita Kajmaku, gruaja e ish-kryebashkiakut të Vorës, Agim Kajmaku merr një tender me vlerë 6 milionë lekë të reja nga Ministria e Brendshme. Tenderi iu dha Merita Kajmakut më 30 dhjetor 2019, në kohën kur ajo bashkë me të shoqin kërkohen nga Policia. Tenderi iu dha nga Agjencia e Blerjeve të Përqëndruara që është në varësi të Ministrisë së Brendshme. 
Featured image of article: KONTRATA/ I shpallur në kërkim nga policia, Ministria e Brendshme i jep tender gruas së Agim Kajmakut, Merita mori kompaninë në korrik Agim Kajmaku

TIRANË- I shpallur në kërkim nga të gjitha autoritetet shtetërore, Agim Kajmaku, kryebashkiaku në arrati i Vorës, përfiton tender nga Ministria e Brendshme përmes bashkëshortes së tij. Dosja.al zbulon se është institucioni që e ka shpallur në kërkim Kajmakun, ai që i jep atij një tender që mban datën 20 janar 2020. Tenderi me vlerë 6 milionë lekë, i jepet Kajmakut për të gjelbëruar një sipërfaqe brenda Kampusit Universitar në QSUT.

Tenderi i fituar nga kompania e Agim Kajmakut

Agjencia e Blerjeve të Përqëndruara, e drejtuar nga Sandër Lleshaj, kompetencat të cilat i janë transferuar Sekretarit të Përgjithshëm, Plarent Ndreca, i ka dhënë një tender me vlerë 6 milionë lekë. Firma “Kajmaku sh.p.k”, e cila deri në muajin korrik 2019 ishte në pronësi të Agim Kajmakut, ka përfituar tenderin e firmosur më 30 dhjetor 2019.

Tenderi per Agim Kajmakun

Kajmaku ‘SHPK’ njihet publikisht si kompania e Agim Kajmakut. Në muajin Korrik 2019, pas akuzave të Partisë Demokratike, se Kajmaku kishte marrë përmes kompanisë së tij, rreth 2.6 milionë euro para publike, të marra përmes tenderave, Kajmaku ia ka transferuar kompaninë Merita Kajmakut, gruaja e Kajmakut, e cila tanimë rezulton se është aksionere e vetme e kompanisë.

Kalimi i kompanise nga Agim Kajmaku tek Merita

Ish-kryebashkiaku i Vorës, Agim Kajmaku është në arrati që prej muajit nëntor 2019, bashkë me bashkëshorten e tij, madje edhe i biri ka deklaruar se nuk ka dëgjuar asgjë prej tyre Policia e ka shpallur në kërkim dhe po punon për kapjen e tij, në mënyrë që socialisti të përballet me drejtësinë, por mesa duket edhe me tenderat e fituar prej tij, teksa është në kërkim…

Për më shumë bëhu pjesë e grupit më viral në Facebook, Dosja.al

 

Ish-qytetari i parë i Vorës, u akuzua nga PD se prekej nga dekriminalizimi, pasi kishte fshehur në formularin për Dekriminalizimin, një arrestim të bërë në Greqi, me emrin Jorgo Toto. Akuzat e PD u konfirmuan edhe nga Prokuroria e Përgjithshme, e cila pasi bëri verifikimin e shenjave të gishtërinjve të Kajmakut dhe shenjat e gishtërinjve të shtetasit Jorgo Toto, të arrestuar në Greqi, rezultoi se ishte i njëjti person. Fillimisht, ai i mohoi akuzat e opozitës, duke thënë se nuk ishte arrestuar asnjëherë, por pas konfirmimit nga Prokuroria, ai publikoi vendimin e Gjykatës së Janinës, që e shpallte atë të pafajshëm, duke thënë se nuk e ka ditur për dënimin në vendin fqinj.

(F.g/dosja.al)

Shto Koment