Aktualitet

Shqiptari nuk heq dorë nga ‘zakoni’, i shumëkërkuari në Greqi kryen grabitjen e radhës (Skeda e krimeve)

Shqiptari Eno Mata është shpallur në kërkim që prej vitit 2017 pasi dyshohet se në vitin 2017 ka vrarë me një armë automatike avokatin e njohur grek Mihalesi Zafiropoulos.
Featured image of article: Shqiptari nuk heq dorë nga ‘zakoni’, i shumëkërkuari në Greqi kryen grabitjen e radhës (Skeda e krimeve) Shqiptari Eno Mata
Përditësuar:

GREQI- Eno Mata është një prej dy autorëve që grabitën me armë zjarri argjendarinë në lagjen “Ambelokipi” të Athinës.

Ngjarja ka ndodhur disa ditë më parë në një argjendari, ku dy persona të maskuar dhe të armatosur kanë hyrë në dyqan dhe kanë marrë të gjitha paratë dhe bizhuteritë. Pasi kryen grabitjen të dy autorët u larguan me makinë. Njëri prej tyre është identifikuar si Eno (Aleksandër) Mata, ndërsa identiteti i tjetrit ende nuk dihet por nuk përjashtohet që të jetë shqiptar.

Por shqiptari nuk është i panjohur për policinë greke. Mata është shpallur në kërkim pasi dyshohet se në vitin 2017 ka vrarë me një armë automatike në bashkëpunim me një person tjetër avokatin e njohur grek Mihalesi Zafiropoulos.

Edhe pse në arrati, Mata nuk ka lënë pa mbrojtje veten.  Në qershor të vitit 2018, Eno Mata gjatë një tjetër grabitjeje kishte lënë edhe një shënim për policinë ku shkruante: “Sa i përket çështjes së z.Zafeiropoulos, jemi të dy viktima. Unë di të mbaj përgjegjësinë time. Nëse do ta dija si do të shkonin punët, nuk do të bëhej kështu siç u bë. Po, unë vjedh, por nuk jam vrasës”

Për më shumë bëhu pjesë e grupit më viral në Facebook, Dosja.al

Ngjarja e 12 tetorit

Eno Mata dhe bashkëpunëtori i tij Mikel Brahimaj më 12 tetor shkuan për të vjedhur në një tjetër argjendari. Aty ndodhej edhe avokati Zafiropoulos dhe vajza e tij. Gjatë vjedhjes, avokati sulmoi shqiptarët duke u qëlluar për vdekje avokatin. Pas ngjarjes të dy shqiptarët u larguan nga vendngjarja me një makinë të vjedhur, Brahimaj u dorëzua në polici duke pranuar krimin, ndërsa Mata është ende në arrati dhe vijon me vjedhjet.

Po kush është Eno Mata?

Eno Mata kishte pseudonimin “Maradona e Athinës”, kjo për shkak të karrierës së tij futbollistike në klubin e qytetit.

Shto Koment