Aktualitet

Shqiptarët e kthyer nga Greqia mbeten në rrugë, gjobiten edhe nga pala greke, emigranti: Rama të më japë lekët!

VIDEO
Një prej emigrantëve ka deklaruar se është gjobitur me 600 euro nga pala greke, pasi shkeli afatin 90 ditor të qëndrimit në Greqi. Ai tha se nuk këto para duhet t'i pagojë kryeministri Edi Rama.
Featured image of article: Shqiptarët e kthyer nga Greqia mbeten në rrugë, gjobiten edhe nga pala greke, emigranti: Rama të më japë lekët!

Korçë- Fluks me emigrantë të kthyer nga Greqia në pikën doganore të Kapshticës. Ditën e sotme hyn në fuqi edhe  urdhri i ri, ku të riatdhesuarit do të karantinohen për 14 ditë në banesat e tyre dhe jo në hotele. Por qytetarët në Kapshticë deklarojnë se  kanë mbetur në rrugë, pasi nuk ka organizim për transportin e tyre.

Po kështu, njëri prej tyre tregon se pala greke e ka gjobitur me 600 euro, pasi kishte kaluar 3 muajt e qëndrimit në Greqi.  Ai thekson se këto para duhet t’ja japë Rama se nuk ka ku t’i gjejë.

“Erdha nga Selaniku me taksi, pagova 100 euro. Paratë i mora borxh. Kam marrë edhe gjobë 600 euro nga grekët, sepse kam kaluar ditët. S’kam ku ti gjej lekët, do ia marrim Edi Ramës dhe Ilir Metës. Ata të na japin lekë. Le të më japë lekë ai dhe të rri në shtëpi unë, jo 14 ditë por 1 muaj rri”, shprehet ai për Abc news.

Për më shumë bëhu pjesë e grupit më viral në Facebook, Dosja.al

Pak ditë më parë, ministrja e Shëndetësisë Ogerta Manastirliu deklaroi se shqiptarët që do të ritadhesohen do të karantinohen për 14 ditë në banesat e tyre. Ndërsa Edi Rama ka njoftuar se ka diskutuar me palën greke dhe se asnjë emigrant nuk do të gjobitet.

J.V/Dosja.al

Shto Koment