Politike

Shqiptarët e bllokuar në kufi, Meta: Po ndjek me shqetësim situatën, autoritetet përkatëse të japin informacion

Meta shkruan se po ndjek këtë situatë dhe shton se autoritetet shqiptare përgjegjëse të informojnë pa vonesë.
Featured image of article: Shqiptarët e bllokuar në kufi, Meta: Po ndjek me shqetësim situatën, autoritetet përkatëse të japin informacion Ilir Meta, President i Shqipërisë

TIRANË– Presidenti Ilir Meta ka reaguar për shqiptarët e bllokuar në kufirin me Greqinë dhe Malin e Zi, Në një reagim në mediat sociale, Meta shkruan se po ndjek këtë situatë dhe shton se autoritetet shqiptare përgjegjëse të informojnë pa vonesë qytetarët tanë mbi gjendjen dhe procedurat e reja që duhen respektuar në pikat tona kufitare, të imponuara nga pandemia COVID-19. Kreu i Shteitt më tej u në bën thirrje të gjithëve që, duke forcuar bashkëpunimin midis qytetarëve dhe autoriteteve përgjegjëse në këtë situatë të vështirë, të tregojmë mirëkuptim e bashkëpunim dhe të kapërcejnë këtë situatë të vështirë.

Jam duke ndjekur me vëmendje dhe me shumë shqetësim situatën e qytetarëve shqiptarë të cilët ndodhen të bllokuar në pikat e kalimit kufitar me Greqinë dhe Malin e Zi. Situata e pritjes së tyre në kufirin shqiptar dhe pengesa që po hasin kërkon një zgjidhje të shpejtë. Autoritetet shqiptare përgjegjëse të informojnë pa vonesë qytetarët tanë mbi gjendjen dhe procedurat e reja që duhen respektuar në pikat tona kufitare, të imponuara nga pandemia COVID-19, në mënyrë që të mos krijohen grumbullime të pamenaxhueshme.

Në të mirë të të gjithëve, shtetasit tanë duhet të jenë në komunikim të vazhdueshëm me ambasadat dhe konsullatat tona, si dhe të evitojnë maksimalisht lëvizjet jashtë kushteve të urgjencës dhe domosdoshmërisë. U bëj thirrje të gjithëve që, duke forcuar bashkëpunimin midis qytetarëve dhe autoriteteve përgjegjëse në këtë situatë të vështirë, të tregojmë mirëkuptim e bashkëpunim, por veçanërisht solidaritet dhe përgjegjshmëri të lartë për të kapërcyer me sa më pak kosto këtë sfidë të jashtëzakonshme. 🇦🇱”, shkruan Meta.

Për më shumë bëhu pjesë e grupit më viral në Facebook, Dosja.al

Ky reagim i Metës vjen pas shqetësimeve të shumta nga emigrantët që kanë mbetur të bllokuar në kufi dhe nuk lejohen që të vijnë në Shqipëri. Dhe pse Edi Rama u shpreh se asnjë emigrant në Greqi që kalon afatin 90 ditor, nuk do penalizohet me gjobë, por disa prej qytetarëve që kanë kalaur kufirin janë penalizuar.

(A.B. Dosja.al)

Shto Koment