Aktualitet

400 qytetarë gjobiten dhe 49 shoferëve iu hiqet patenta, Rama: Nga e hëna, farmacitë, dyqanet ushqimore dhe bankat do të jenë hapur deri në 17:30

Ashpërsohen masat për qytetarët që shkelin rregullat e karantinës. Sipas Kodit Penal një person që ‘shpërndan’ koronavirusin, mund të dënohet deri në 15 vite burg. Gjatë 24 orëve të fundit janë gjobitur 400 qytetarë dhe 49 shoferëve u është hequr patenta. Rama: Nga e hëna, farmacitë, dyqanet ushqimore dhe bankat do të jenë hapur deri në 17:30
Featured image of article: 400 qytetarë gjobiten dhe 49 shoferëve iu hiqet patenta, Rama: Nga e hëna, farmacitë, dyqanet ushqimore dhe bankat do të jenë hapur deri në 17:30 Foto ilustruese

Shqipëri- Shqipëtarët ndodhen në karantinë, lufta me COVID-19 vijon në vendin tonë. Të gjithë qytetarët mund të dalin nga banesat e tyre për të bërë pazar vetëm 90 minuta në ditë, gjatë fashës së orarit, 05:00 e mëngjesit deri në 13:00 të mesditës.  Lejohet të dalë nga banesa vetëm një familjar, i cili ka marrë edhe autorizimin. Duke iu referuar masave të reja. Nëse dikush merr në makinë një pensionit, përballet me ligjin dhe rrezikon burgosjen. Ndërkohë, sot kryeministri Edi Rama deklaruar së fundmi se që nga hëna do të zgjerohet fasha e orareve të shërbimeve ushqimore, farmaceotike dhe bankare, dhe sipas tij ato do të jenë hapur deri në 17:30.

Po kështu, Policia vijon punën në terren. Gjatë 24 orëve të fundit 49 shoferëve u është hequr patenta, një 35-vjeçari në Berati është gjobitur me  700 mijë lekë, pasi nuk u fut në karantinë dhe kanë marrë gjobë nga 100 deri 200 mijë lekë  399 qytetarë.

Një ditë më parë, qeveria publikoi edhe ndryshimet në Kodin Penal për qytetarët që shkelin rregullat e karantinës. Kush shkel rregullat e karantinimit dënohet jo më vetëm me një gjobë prej 700 mijë lekësh, por rrezikon deri në 10 vjet heqje lirie.

Për më shumë bëhu pjesë e grupit më viral në Facebook, Dosja.al

Nëse thyerja e karantinimit shkakton pasoja të rënda për shëndetin ose jetën e njerëzve dënohet me burg nga 3 deri në 10 vjet. Por nëse nga thyerja e karantinës shkakton vdekjen e personit tjetër, dënimi mund të shkojë nga 5-15 vite burg. Ky i fundit është dënimi më i rëndë i parashikuar në Kodin Penal.

J.V/Dosja.al

  • 13:08

    Rama: Nga e hëna, farmacitë, dyqanet ushqimore dhe bankat do të jenë hapur deri në 17:30 (MASAT E REJA LEHTËSUESE)

    Edi Rama

    Kryeministri i vendit Edi Rama ka deklaruar së fundmi se që nga hëna do të zgjerohet fasha e orareve të shërbimeve ushqimore, farmaceotike dhe bankare, dhe sipas tij ato do të jenë hapur deri në 17:30. Nëpërmjet një postimi në Facebook, Rama ka njoftuar se javën e ardhshme mund të lejohet lëvizja me automjete e personave që shkojnë në punë, do të miratohen ndryshime në kodin penal dhe rrugor, do të përgatitet rregullorja e standardeve për bizneset që pritet të hapen dhe do të publikohet edhe paketa e zgjeruar financiare. Kreu i qeverisë ka deklaruar se pandemia në vendin tonë, mund të përfundojë në fund të muajit maj, ku parashikohet të hapet pjesa më e madhe e bizneseve, por me rregulla të mirëpërcaktuara.

    Reagimi i plotë:

    NË KUSHTET KUR KURBA E INFEKSIONIT ËSHTË MË E ULËT SE PRITSHMËRIA JONË MË OPTIMISTE, SI REZULTAT I MASAVE TË FORTA QË KEMI MARRË NË KOHËN E DUHUR DHE REZISTENCËS FANTASTIKE TË POPULLIT NË UNITET ME SHTETIN;

    🔴NË KUSHTET KUR MUND TË SHOHIM ME OPTIMIZËM TË ARSYESHËM FUNDIN E MUAJIT MAJ SI NJË DALJE NGA KJO FAZË E PARË PËRBALLJEJE TË GJITHANSHME ME ARMIKUN E PADUKSHËM, KU NJË PJESË E MADHE E AKTIVITETIN EKONOMIK MUND TË RIKTHEHET NË NJË NORMALITET TË RI DHE SHUMË KUSH MUND TË RIKTHEHET NË PUNË, ME RREGULLA TË MIRËPËRCAKTUAR NATYRISHT;

    🔴 NË KUSHTET KUR DUHET TË PËRBALLOJMË DYZET DITË SHUMË TË RËNDËSISHME, PËR FITOREN E KËSAJ FAZE VENDIMTARE TË REZISTENCËS SONË TË PËRBASHKËT, DUKE U HAPUR ME KUJDESIN MË TË MADH E ME DISA HAPA SHUMË TË MATUR, DUKE VENDOSUR NJËKOHËSISHT MASA TË RREPTA PENALE PËR SHKELËSIT, QË TË BLINDOJMË REZULTATET E ARRITURA ME SAKRIFICË DITË PAS DITE DHE TË MBAJMË MBYLLUR ÇDO SHTEG RIKTHIMI TË ARMIKUT;

    🟢 DO TË ZGJEROJMË DUKE NISUR NGA E HËNA FASHËN ORARE TË SHËRBIMEVE USHQIMORE, FARMACEUTIKE DHE BANKARE, DERI NË ORËN 17.30

    🟢 DO TË ZGJEROJMË BRENDA JAVËS SË ARDHSHME (NËSE KURBA E INFEKSIONIT DO TË QËNDROJË NË TRENDIN AKTUAL) MUNDËSINË E LËVIZJES ME AUTOMJET PRIVAT TË ATYRE QË PUNOJNË NË HAPËSIRËN E LEJUAR TË AKTIVITETIT EKONOMIK

    🟢 DO TË MIRATOJMË JAVËN QË VJEN NË PARLAMENT RISITË E KODIT PENAL / RRUGOR PËR PERIUDHËN E GJENDJES SË JASHTËZAKONSHME TË EPIDEMISË

    🟢 DO TË PËRGATISIM BRENDA JAVËS TJETËR RREGULLOREN E STANDARDEVE BAZË TË SIGURISË PËR NJËSITË EKONOMIKE TË SHËRBIMIT QË DO TË HAPEN NË JAVËT E MËTEJSHME

    🟢 DO TË PUBLIKOJMË FILLIMJAVËN E ARDHSHME, PAKETËN E ZGJERUAR TË MBËSHTETJES FINANCIARE, PËR TË LEHTËSUAR DREJTËPËRDREJTË:

    1) BIZNESET E VOGLA QË EDHE PSE NUK U MBYLLËN GJATË KËSAJ PERIUDHE, U GODITËN NDJESHËM NË XHIRON E TYRE SI PASOJË E LUFTËS, SI PËR SHEMBULL AGJENCI TURISTIKE, RROBAQEPĒSI E MOBILERI TË VOGLA, HIDRAULIKË, ELEKTRIÇISTË, FIZIOTERAPI, KANCELARI, SERVISE MAKINASH E LAVAZHE TË LIÇENCUAR, ETJ., PËRFSHIRË EDHE SHOFERËT E TAKSIVE E TË LINJAVE TË TRANSPORTIT URBAN E PUNONJËSIT E TYRE…

    2) PUNONJËSIT E BIZNESEVE TË MËDHA, QË BAZUAR NË LISTË-PAGESAT E FUNDIT TË DITËS SË DJESHME, FIGUROJNË TË GODITUR NGA LUFTA NË VENDIN E TYRE TË PUNËS, TË CILËVE DO T’U SIGUROJMË MJETET E NEVOJSHME FINANCIARE TË REZISTENCËS PËR DYZETË DITËT VENDIMTARE NË VIJIM – DUKE MBAJTUR PARASYSH SE NJË PJESË E MADHE E TYRE MUND TË RIKTHEHEN NË PUNË DERI NË FUND TË MAJIT DHE SE PAKETA MUND TË RIZGJEROHET, SIPAS DINAMIKËS E NEVOJAVE TË LUFTËS NË 10 DITËSHIN E FUNDIT TË MUAJIT MAJ

    3) SEKTORËT E TURIZMIT E TË INDUSTRISË FASON DHE NJËSITË PRODHUESE NË TËRËSI

  • 9:55

    Nuk u fut në karantinë pasi u kthye nga Greqia, gjobitet me 700 mijë lekë 35-vjeçari në Berat, iu hiqet patenta 49 shoferëve

    Gjatë 24 orëve të fundit, Policia e Shtetit u ka hequr patentën dhe u ka bllokuar mjetet 49 shoferëve, pasi kanë shkelur urdhrin e ndalim qarkullimit. Ndërkohë një 35-vjeçar me iniciale S. R në Berat është gjobitur me 700 mijë lekë, se nuk u fut në karantinë, pasi 10 ditë më parë ishte kthyer nga Greqia. Po kështu, në të gjithë vendin janë gjobitur me 100 mijë lekë 397 qytetarët dhe dy të tjerë me 200 mijë lekë, pasi lëviznin jashtë orarit të lejuar.

    Njoftimi i Policisë:

    Shërbimet e Policisë vijojnë kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të pasojave që sjellin përhapjen e COVID-19.

    Gjatë 24 orëve të fundit, në të gjithë vendin janë evidentuar 49 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit dhe bllokim mjeti, në zbatim të Aktit Normativ Nr. 3, datë 15.03.2020 ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.

    Ndërkohë, në Tiranë janë arrestuar në flagrancë 2 shtetas, konkretisht: shtetasi L. R., 31 vjeç, banues në Tiranë, sepse është konstatuar gjatë pasdites së djeshme, duke drejtuar mjetin pa leje drejtimi dhe nën ndikimin e alkoolit; shtetasi M. Ç., 38 vjeç, banues në Tiranë, pasi është konstatuar duke drejtuar mjetin motor, pa lejen përkatëse të drejtimit. Në Korçë është proceduar penalisht 1 shtetas, për veprën penale “Shkelja e rregullave të qarkullimit rrugor”.

    Në të gjithë vendin, gjatë 24 orëve të fundit, si rezultat i kontrolleve të ushtruara nga strukturat e Policisë dhe denoncimeve të ardhura nga qytetarët në adresat zyrtare të Policisë së Shtetit, në 112/129 dhe Komisariatin Dixhital, janë evidentuar dhe ndëshkuar me masë administrative 10.000 lekë, 397 shtetas, të cilët u konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë.

    Ndërkohë, në Durrës është proceduar penalisht shtetasi K. M., 47 vjeç, pasi është konstatuar duke lëvizur gjatë orarit të karantinës dhe ka tentuar të vjedhë në një lokal.

    Gjithashtu, janë ndëshkuar me masë administrative 20.000 lekë dhe bllokim mjeti për 3 muaj, 2 shtetas, pasi nuk kanë zbatuar urdhrin për kufizimin e lëvizjeve në parqe dhe zona të gjelbra të hapura, në zonat urbane apo mjedise të tjera publike të hapura.

    Në Berat është gjobitur me masë administrative 700.000 lekë, shtetasi S. R., 35 vjeç, i cili ishte kthyer para 10 ditësh nga Greqia dhe i ishte komunikuar që të vetëkarantinohej, por është konstatuar jashtë ambienteve të banesës.

    Në të gjithë vendin është konstatuar 1 lokal i hapur dhe ndaj administratorit është marrë masa administrative, në bazë të nenit 3, pika 7 e Aktit Normativ Nr. 3, datë 15.03.2020.

    Policia e Shtetit apelon për të gjithë qytetarët që të respektojnë masat kufizuese, për të bërë të mundur parandalimin e përhapjes së COVID-19.

Shto Koment