Aktualitet

“Shqipëria në kaos pas audio përgjimeve”, Al Jazeera: Asnjë zyrtar i implikuar nuk u arrestua (VD)

Në një reportazh të shkurtër, media prestigjoze, nëpërmjet gazetares investigative Johanna Hus, sjell në vëmendje, ato që ajo i quan si të vërteta: kaosin politik, manipulimin e zgjedhjeve të 2016-ës dhe 2017-ës
Featured image of article: “Shqipëria në kaos pas audio përgjimeve”, Al Jazeera: Asnjë zyrtar i implikuar nuk u arrestua (VD) Gazetari i Al Jazeera

TIRANË- Situata politike në Shqipëri ka ngjallur shpesh interesin e mediave ndërkombëtare, të cilat kanë mbulluar gjatë dhe protestat e opozitës. “Al Jazeera”, së fundmi ka publikaur një reportazh kidhur me situatën në Shqipëri, duke e vënë fokusin mbi dy dosje që kanë sjellë debate të forta politike, bëhet fjalë për dosjen 339 dhe 184, për të cilat është e akuzuar drejtpërdrejtë qeveria.

Në një reportazh të shkurtër, media prestigjoze, nëpërmjet gazetares investigative Johanna Hus, sjell në vëmendje, ato që ajo i quan si të vërteta: kaosin politik, manipulimin e zgjedhjeve të 2016-ës dhe 2017-ës nga zyrtarë të lartë të Partisë Socialiste, lidhja e tyre me bosët e krimit të organizuar, audio-përgjimet e publikuara nga BILD, VOA dhe BIRN, ku dëgjohen eksponentë të partisë Socialistë, përfshirë kryeministrin Edi Rama, teksa flasin për “arritje të objektivit”.

“Janarin e kaluar, një shkrim i dy mediave digjitale në Shqipëri konfirmoi atë që shumëkush në vend dyshonte prej kohësh se marrëdhëniet midis politikanëve, gjyqësorit dhe krimit të organizuar janë shumë afër për rehati. BIRN dhe Zëri i Amerikës publikuan një seri thirrjesh telefonike të rrjedhura midis zyrtarëve qeveritarë – përfshirë kryeministrin Edi Rama – dhe shefave të krimit, të cilët mund të dëgjohen të pohojnë për të manipuluar zgjedhjet e vitit 2016 dhe 2017.

Megjithatë, asnjë nga zyrtarët e lartë të implikuar nuk është arrestuar. Në vend të kësaj, gjyqësori ka shkuar pas atyre që kanë zbuluar dhe botuar materialin.Johanna Hoes i Listening Post raporton nga Tirana për politikën, krimin, gazetarinë dhe historinë që autoritetet shqiptare ende po përpiqen të vrasin”, u shpreh spikeri në studio.

Më pas janë gazetarët ata që flasin dhe tregojnë atë që ndodh në Shqipëri, presionet që kanë në punën e tyre dhe investigimin që kanë bërë në fillim të vitit të kaluar.

“Koka e një rrjeti të organizuar kriminal në Shqipëri dhe një zyrtar i lartë i shtetit, flasin për intimidim zgjedhor para zgjedhjeve të përgjithshme të 2017-ës”, shprehet gazetarja Johanna Hoes e “Al Jazeera”.

Reportazhi pas minutës së 26-të:

(A.B. Dosja.al)

Shto Koment