Aktualitet

25 raste të reja me COVID-19/ Vdes 69-vjeçari tek Infektivi, Call-Center-i në Tiranë vatër “e nxehtë” infeksioni, preken 15 punonjës

  • 15 të infektuar/ ISHSH “zbarkon” tek “Call Center” në Laprakë, kontrolle brenda biznesit
  • 25 të infektuar gjatë 24 orëve të fundit. Harta është zgjeruar me 24 raste të reja në Tiranë dhe 1 në Durrës. Ndërkohë gjatë orëve të fundit ka humbur jetën një 69-vjeçar, dhe numri total i viktimave ka shkuar 33. Aktualisht në spital po marrin mjekim 17 pacientë.
    Featured image of article: 25 raste të reja me COVID-19/ Vdes 69-vjeçari tek Infektivi, Call-Center-i në Tiranë vatër “e nxehtë” infeksioni, preken 15 punonjës

    Tiranë- Rritet ndjeshëm numri i të infektuarve në vend. Ministria e Shëndetësisë bëri me dije ditën e sotme se gjatë 24 orëve të fundit janë konfirmuar me COVID-19 25 persona të tjerë. Kështu numri total i të infektuarve ka shkuar në 1029. Harta është zgjeruar me 25 raste të reja në Tiranë dhe 1 në durrës. 15 nga të prekurit në Tiranë janë punonjës të një Call-center dhe kontakte të tyre.  Ndërkohë gjatë orëve të fundit ka humbur jetën një 69-vjeçar me iniciale S.K, i cili po merrte mjekim në spitalin Infektiv. Numri total i viktimave ka shkuar në 33.  Ndërsa në spitale po marrin mjekim 17 pacientë, nga të cilët 3 janë në terapi intensive. Ndërkohë janë shëruar edhe 8 qytetarë të tjerë dhe numri total i shëruarve ka shkuar në 803.

    Për më shumë bëhu pjesë e grupit më viral në Facebook, Dosja.al

    Mbrëmjen e djeshme, në  emisionin “360gradë”në RTV Ora, Pëllumb Pipero deklaroi se  është kundër mbajtjes së maskave dhe doreza në rrugë. Po kështu ai bëri thirrje që plazhet të hapen sa më shpejt, pasi sipas tij virusi nuk transmetohet nëpërmjet ujit.

    J.V/Dosja.al

    • 11:40

      15 të infektuar/ ISHSH “zbarkon” tek “Call Center” në Laprakë, kontrolle brenda biznesit

      Inspektoriati Shtetëror Shëndetësor po zhvillon një kontroll në Call-Center-in “CTA Groups’ në Tiranë, në të cilin rezultuan të infektuar 15 punonjës. Burime për Dosja.al bëjnë me dije se në godinën ku ndodhet ky biznes ka edhe call-center të tjerë, në të cilat po zhvillohet gjithashtu kontrolle. Të njëjtat burime bëjnë me dije se ISHSH do të mbyllë Call-Center-in, ku rezultuan 15 të infektuar.

    • 11:02

      Rritet ndjeshëm numri/ 25 të infektuar me COVID-19 gjatë 24 orëve të fundit, humb jetën 69-vjeçari

      25 raste raste të reja me COVID-19 gjatë 24 orëve të fundit, shkon në 1029 numri i të infektuarve. Ministria e Shëndetësisë bëri me dije ditën e sotme pas testimit të 173 qytetarëve janë konfirmuar me COVID-19 25 prej tyre. Harta është zgjeruar me 24 raste të reja në  Tiranë dhe 1 në Durrës. 15 nga të prekurit janë punonjës të një Call-center dhe kontakte të tyre.  Ndërkohë gjatë orëve të fundit ka humbur jetën një 69-vjeçar me iniciale S.K, i cili po merrte mjekim në spitalin Infektiv. Numri total i viktimave ka shkuar në 33.  Po kështu, gjatë orëve të fundit  ka patur sërish shtrime të reja në spitalin spitalin Infektiv, ku aktualisht po trajtohen 17 pacientë, nga të cilët 3 janë në terapi intensive. Ndërkohë janë shëruar edhe 8 qytetarë të tjerë dhe numri total i shëruarve ka shkuar në 803.

      Njoftimi i ministrisë:

      COVID-19/ Ministria e Shëndetësisë: 1 humbje jete, 25 raste të reja në 24 orët e fundit. Mirela Cami Drejtore e Operatorit të Shërbimeve të Kujdesit Shëndetësor. Ju informojmë rreth situatës së COVID 19 në Shqipëri gjatë 24 orëve të fundit.

      Mëngjesin e sotëm ka ndërruar jetë në mënyrë të papritur, pavarësisht përpjekjeve të mjekëve një pacient 69-vjeçar nga Tirana, me inicialet S.K., i cili po trajtohej në terapi intensive në spitalin infektiv. Ministria e Shëndetësisë i shpreh ngushëllimet familjes së të ndjerit. Që nga fillimi epidemisë, 33 qytetarë e kanë humbur betejën me Covid19.

      Në 24 orët e fundit kemi sërish shtrime të reja në spitalin infektiv, ku aktualisht po trajtohen 17 pacientë, nga të cilët 3 janë në terapi intensive. Në 24 orët e fundit ka rritje të numrit të të prekurve, të lidhura me kontakte të rasteve të mëparshme pozitive por edhe vatra të reja në Tiranë. Janë testuar 173 qytetarë si të dyshuar të prekur me Covid19 dhe janë konfirmuar 25 raste pozitive. Më konkretisht janë 24 të prekur në Tiranë dhe 1 në Durrës.

      Ndër rastet e reja janë 15 të prekur në një call-center, kontakte të një rasti pozitiv të identifikuar dy ditë më parë. Po vijon hetimi epidemiologjik edhe për disa raste të reja në Tiranë. Ne 24 orët e fundit janë shëruar 8 qytetarë.

      Nga fillimi i epidemisë janë kryer mbi 14500 testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1029. Prej tyre, rreth 78% janë të shëruar.
      Në vendin tonë aktualisht janë 193 persona aktivë me COVID19, kryesisht ne Tiranë, Durrës Krujë, Shkodër.

      Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar distancimin fizik dhe higjienën vetjake. Qytetarët nuk duhet të neglizhojnë shenjat e Covid19, prandaj telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

      COVID-19 – Statistika (26 Maj 2020)
      Testime totale 14832

      Testime molekulare 13506
      Testime serologjike 1326
      Raste pozitive 1029
      Raste të shëruara 803
      Raste Aktive 193
      Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

      Shpërndarja gjeografike e rasteve aktive është si vijon:


      Tiranë 80
      Durrës 54
      Krujë 24
      Shkodër 12
      Berat 10
      Kamëz 9
      Fier 2
      Mirditë 1
      Korçë 1

    • 11:22

      Call-Center-i në Tiranë vatër “e nxehtë” infeksioni, 15 të prekur në 24 orët e fundit

      Foto ilustruese

      Rritet ndjeshëm numri i të infektuarve me COVID-19. Gjatë 24 orëve të fundit vetëm në Tiranë janë konfirmar 24 raste të reja me koronavirus. Sipas MSH-së 15 nga të infektuarit me COVID-19 janë punonjës të një Call-Center në kryeqytet.  Po kështu 15 të prekurit janë kontakte të një rasti pozitiv të identifikuar dy ditë më parë.

      “Në 24 orët e fundit kemi sërish shtrime të reja në spitalin infektiv, ku aktualisht po trajtohen 17 pacientë, nga të cilët 3 janë në terapi intensive. Në 24 orët e fundit ka rritje të numrit të të prekurve, të lidhura me kontakte të rasteve të mëparshme pozitive por edhe vatra të reja në Tiranë. Janë testuar 173 qytetarë si të dyshuar të prekur me Covid19 dhe janë konfirmuar 25 raste pozitive. Më konkretisht janë 24 të prekur në Tiranë dhe 1 në Durrës. Ndër rastet e reja janë 15 të prekur në një call-center, kontakte të një rasti pozitiv të identifikuar dy ditë më parë. Po vijon hetimi epidemiologjik edhe për disa raste të reja në Tiranë.”, thuhet ndër të tjera në njoftimin e ministrisë.

    Shto Koment