Aktualitet

Nesër dilte para Vettingut, sëmuret Shpresa Beçaj, paraqit në KPK raport mjekësor

Gjyqtarja e Apelit në Tiranë ka çuar në KPK, një raport mjekësor duke shtyrë seancën ku edhe do të vlerësohet për tre shtyllat në të cilat bazohet Vettingu; pasuria, pastërtia e figurës dhe aftësitë profesionale.
Featured image of article: Nesër dilte para Vettingut, sëmuret Shpresa Beçaj, paraqit në KPK raport mjekësor Shpresa Beçaj

TIRANË-  Shtyhet për në datën 17 qershor vendimi për gjyqtaren, Shpresa Beçaj. Ish-kryetaja e Gjykatës së Lartë do të duhej që të paraqitej ditën e nesërme në Komisionin e Pavarur të Kualifikimit për t’u njohur me vendimin e marrë ndaj saj por ‘planet’ kanë ndryshuar.

Gjyqtarja e Apelit në Tiranë ka çuar në KPK, një raport mjekësor duke shtyrë seancën ku edhe do të vlerësohet për tre shtyllat në të cilat bazohet Vettingu; pasuria, pastërtia e figurës dhe aftësitë profesionale.

Po kush është gjyqtarja Shpresa Beçaj?

Për më shumë bëhu pjesë e grupit më viral në Facebook, Dosja.al

Beçaj ka përfunduar studimet në drejtësi në vitin 1983 dhe e ka filluar karrierën si gjyqtare nga Gjykata e Gramshit. Më pas ajo është emëruar në Tiranë, për t’u dekretuar si kryetare në Gjykatën e Larë në vitin 2008. Me përfundimin e mandatit në vitin 2013, Beçaj udhëhoqi një betejë ligjore kundër Këshillit të Lartë të Drejtësi për t’u rikthyer në Gjykatën e Apelit të Tiranës dhe e fitoi.

Por megjithatë vendimi për emërimin e saj në Gjykatën e Apelit u shty deri në vitin 2018. Në formularin e saj të parë të deklarimit të pasurisë në vitin 2003 ajo ka deklaruar 840 mijë lekë pasurim ndërsa në vitin 2018 buxheti i saj kap vlerën prej 67.9 milionë lekësh. Ajo është përmendur edhe në videopërgjimin e ish-ministrit të Ekonomisë, Dritan Priftit dhe Ilir Metës. Vajza e saj, Selvi Beçaj, u kandidua nga LSI, asokohe me në krye Metën, në Kukës për deputete, por nuk rezultoi fituese. 

(k.m/dosja.al)

Shto Koment