Bota

Shpërthimi tragjik vrau 200 njerëz/ Trump kërkon hetime transparente për katastrofën e Bejrutit

Trump u tregua i gatishmëm që Shtetet e Bashkuara të ndihmojnë hetimin e shpërthimit dhe bëri thirrje për paqe në Liban, duke njohur “legjitimitetin e thirrjes së demonstruesve paqësorë për transparencë, reformë dhe përgjegjësi”.
Featured image of article: Shpërthimi tragjik vrau 200 njerëz/ Trump kërkon hetime transparente për katastrofën e Bejrutit Presidenti amerikan, Donald Trump.

SHBA– Presidenti amerikan, Donald Trump ditën e sotme i ka bërë thirrje qeverisë libaneze që të zhvillojë një hetim të plotë dhe transparent të shpërthimit tragjik që tronditi Bejrutin.

Në deklaratën e Shtëpisë së Bardhë mbi pjesëmarrjen e Trump në konferencën e sotme të donatorëve për të ndihmuar Libanin, thuhet se presidenti amerikan konfirmoi gatishmërinë dhe vullnetin e Shteteve të Bashkuara që të vazhdojnë të sigurojnë ndihma për popullin e Libanit, por nuk përmendi një shumë të caktuar.

Presidenti Trump u pajtua me liderët e tjerë botërorë për nevojën e një koordinimi të ngushtë të ndihmës ndërkombëtare.

Ai shprehu gatishmërinë që Shtetet e Bashkuara të ndihmojnë hetimin e shpërthimit dhe bëri thirrje për paqe në Liban, duke njohur “legjitimitetin e thirrjes së demonstruesve paqësorë për transparencë, reformë dhe përgjegjësi”.

Për më shumë bëhu pjesë e grupit më viral në Facebook, Dosja.al

Kujtojmë se Presidenti i Francës Emmanuel Macron vizitoi Bejrutin të enjten, ku edhe bëri thirrje për një hetim ndërkombëtar mbi shpërthimin tragjik i cili u refuzua nga homologu i tij libanez Michel Aoun.

Burimi: Timesofisrael

A.C/Dosja.al

Shto Koment