Aktualitet

Shpërndarje kokaine, drejtim mjeti në gjendje të dehur/ Policia arreston në flagrancë 5 shtetas, mes tyre 21-vjeçarja për prostitucion

Në mesin e arrestimeve është dhe një 21-vjeçare e cila akuzohet për prostitucion.
Featured image of article: Shpërndarje kokaine, drejtim mjeti në gjendje të dehur/ Policia arreston në flagrancë 5 shtetas, mes tyre 21-vjeçarja për prostitucion Foto ilustruese

TIRANE- Ditën e sotme janë arrestuar në flagrancë 5 shtetas, për vepra të ndryshme penale.

Në mesin e arrestimeve është dhe një 21-vjeçare e cila akuzohet për prostitucion.

Një 36-vjeçar është arrestuar në flagrancë pasi ka vjedhur një automjet tip furgon dhe është kapur teksa ishte nisur për të ikur në drejtim të Saukut. Ndërsa një 44-vjeçar teksa ishte në gjendje të dehur ka aksidentuar një këmbësor dhe më pas është larguar nga vendngjarja.

Edhe një 22-vjeçar është arrestuar, pasi në afërsi të në një shkolle te Instituti Bujqësor, për motive të dobëta, ka prishur rendin dhe qetësinë publike, si dhe ka kundërshtuar duke i goditur me sende të forta punonjësit e Policisë, për të shmangur shoqërimin e tij.

NJOFTIMI I POLICISE:

Tiranë

Për më shumë bëhu pjesë e grupit më viral në Facebook, Dosja.al

Vijon puna nga strukturat e Drejtorisë Vendore të Policisë Tiranë, për parandalimin, evidentimin dhe goditjen e paligjshmërisë. Arrestohen në flagrancë 5 shtetas, për vepra të ndryshme penale. Ndalohet një shtetase e shpallur në kërkim.

Nga Seksioni për Hetimin e Narkotikëve u bë arrestimi në flagrancë i shtetasit I. S., 31 vjeç, sepse në rrugën “Mine Peza”, gjatë kontrollit fizik iu gjet dhe u sekuestrua në cilësinë e provës materiale një sasi lënde e dyshuar kokainë.

Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasit F. B., 36 vjeç, pasi në rrugën “Ismail Qemali”, dyshohet se ka vjedhur një automjetin tip furgon dhe më pas është kapur në tentativë për t’u larguar në drejtim të Saukut. Gjithashtu, nga veprimet e kryera ka rezultuar se ky shtetas nuk kishte leje drejtimi. Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit Q. M., 22 vjeç, pasi në afërsi të në një shkolle te Instituti Bujqësor, për motive të dobëta, ka prishur rendin dhe qetësinë publike, si dhe ka kundërshtuar duke i goditur me sende të forta punonjësit e Policisë, për të shmangur shoqërimin e tij.

Specialistët të Qarkullimit Rrugor bënë arrestimin në flagrancë të shtetasve: A.P., 44 vjeç, pasi në rrugën “Tre Dëshmorët”, në afërsi të një lokali, duke drejtuar mjetin në gjendje të dehur 0.99 mg/l, ka aksidentuar dhe është larguar nga vendngjarja, këmbësorin shtetasin D. F., 44 vjeç, i cili pas marrjes të mjekimit në spital, është larguar për në banesë. E.B., 34 vjeç, pasi tek rrethrrotullimi i Saukut, u kap duke drejtuar mjetin në gjendje të dehur, në masën 1.41 mg/l. Në vijim të punës për kapjen e personave të shpallur në kërkim, shërbimet e Komisariatit të Policisë Kavajë kanë bërë kapjen dhe ndalimin e shtetases C. Z., 21 vjeçe, sepse Gjykata e Rrethit Gjyqësor Kavajë i ka caktuar masën e sigurisë “Arrest në burg”, për veprën penale “Prostitucioni”. Materialet i kaluan Prokurorisë së Rrethit Gjyqësor Tiranë, për veprime të mëtejshme.

(A.B)/Dosja.al

Shto Koment