Politike

Shoqërimi i studentes/Mehmetaj: Skandal, urdhër politik i Ramës

Për ndalimin e Ana Azizajt, Kejdi Mehmetaj është shprehur se e gjitha ishte urdhër politik i Ramës.
Featured image of article: Shoqërimi i studentes/Mehmetaj: Skandal, urdhër politik i Ramës Kejdi Mehmetaj, ish-deputete e LSI-së

Tiranë- Për ndalimin e Ana Azizajt ka reaguar edhe ish-deputetja Kejdi Mehmetaj, e cila është shprehur se gjithçka është bërë me urdhër politik të Ramës. Sipas saj vajza nuk ka bërë asnjë krim dhe është shoqëruar pa arsye.

Ana Azizaj është lënë e lirë mëngjesin e sotëm, një ditë pas shoqërimit në polici. (lexo këtu)

Reagimi i plotë:

Skandal! Me urdhër politik, pa asnjë arsye, pa kryer asnjë krim, shoqërohet një vajzë e re në komisariat. Shoqërohet sepse ajo mendon lirisht, shprehet lirisht dhe kërkon lirisht të drejtat e saj. Shoqërohet pse ajo është trime e kurajoze përballë pushtetit kriminal që është vendosur në krye të vendit.

Po ku janë përfaqësuesit e ambasadave tani? A nuk u vjen turp që pa teklif vërsulen për ti bërë qokën e rradhës Ramës, ndërsa për liritë e të drejtat e një vajze të re dhe bashkëmoshatarëve të saj nuk thonë asnjë fjali. Janë 20 bij nënash që janë mbajtur të arrestur, 20 bij nënash që i vetmi krim që kanë kryer eshtë protesta për një Shqipëri demokratike. Pse nuk u shqetësua Borchardt për ta?

Turp për të gjithë!

Për më shumë bëhu pjesë e grupit më viral në Facebook, Dosja.al

Ata që fshihen pas këtij veprimi të policisë të maten mirë, do të përgjigjen një më një përballë qytetarëve dhe drejtësisë.

Si Ana janë të gjithë të rinjtë shqiptarë, a ka Rama mjaftueshëm policë ti shoqërojë të gjithë?

Turp!

Ne nuk trembemi e as tërhiqemi!

Asnjë hap pas!

 

Shto Koment