Politike

Shoqërimet e protestuesve, PD: Ndaloni dhunën ndaj banorëve të Astirit

Partia Demokratike shkruan më tej se arrestimet që po bëhen ndaj burrave dhe grave të Unazës, që mbrojnë shtëpitë e fëmijeve të tyre janë të paligjshme.
Featured image of article: Shoqërimet e protestuesve, PD: Ndaloni dhunën ndaj banorëve të Astirit Foto ilustruse

TIRANË– Partia Demokratike ka reaguar pas shoqërimit të pesë protestuesve të Unazës së Re. Në një deklaratë për emdiat, PD-ja kërkon që shteti të ndalë dhunën kundër banorëve të kësaj zone.

Partia Demokratike shkruan më tej se arrestimet që po bëhen ndaj burrave dhe grave të Unazës, që mbrojnë shtëpitë e fëmijeve të tyre janë të paligjshme.

E drejta për të protestuar është themeli i një shoqërie demokratike, njohur nga Kushtetuta dhe Konventa Europiane për të Drejtat e Njeriut.

Partia Demokratike paralajmëron urdhëruesit dhe ekzekutorët e aktit banditesk të arrestimit politik të qytetarëve se do të përballen me forcën e ligjit. Në burg do të përfundojë secili prej tyre që sot u heq lirinë në mënyrë antikushtetuese protestuesve të Unazës së Re,”- shkruhet ndër të tjera në deklaratën për mediat. 

DEKLARATË E PARTISË DEMOKRATIKE 

Me urdhër politik të Edi Ramës, njeriut që kishte planifikuar vjedhjen e 40 milion eurove në aferën e Unazës së Re, Policia e Shtetit po ushtron terror ndaj banorëve të Unazës së Re, medias dhe përfaqësuesve politik të opozitës.

E njëjta Polici që nuk lufton krimin dhe drogën, ka mobilizuar me qindra forca me dhe pa uniformë për të arrestuar, në mënyrë të paligjshme, dhjetëra banorë të Unazës së Re, që mbrojnë shtëpitë e tyre nga shkatërrimi.

Partia Demokratike kërkon ndalimin e menjëhershëm të dhunës shtetërore ndaj banorëve të Unazës së Re, ndalimin e menjehershëm të arrestimeve të paligjshme që po u bëhen burrave dhe grave të Unazës, që mbrojnë shtëpitë e fëmijeve të tyre nga babëzia e një Qeveria çnjerëzore.

Për më shumë bëhu pjesë e grupit më viral në Facebook, Dosja.al

Banorët e Unazës së Re nuk kanë kryer asnjë krim. Ata nuk janë vrasës, trafikantë droge apo hajdutë të pasurive publike. Ata janë njerëz të lirë, që me dinjitet dhe vendosmëri ushtrojnë një të drejtë themelore – të drejën e tubimit paqësor.

E drejta për të protestuar është themeli i një shoqërie demokratike, njohur nga Kushtetuta dhe Konventa Europiane për të Drejtat e Njeriut.

Partia Demokratike paralajmëron urdhëruesit dhe ekzekutorët e aktit banditesk të arrestimit politik të qytetarëve se do të përballen me forcën e ligjit. Në burg do të përfundojë secili prej tyre që sot u heq lirinë në mënyrë antikushtetuese protestuesve të Unazës së Re.

Përfaqësues të Partisë Demokratike kanë qenë dhe do të jenë përkrah banorëve të Unazës së Re, falë protestës dhe vendosmërisë së të cilëve, u zbulua një nga aferat më të mëdha korruptive në vend.

Partia Demokratike i bën thirrje Prokurorisë që të zbatojë ligjin dhe të vërë përpara përgjegjësisë penale cdo punonjës policie, që në vend të ligjit, respekton urdhrin politik të paligjshëm të Edi Ramës.

Pasditen e sotme janë shoqëruar pesë protestues pasi kanë bllokuar rrugën. Prej një viti banorët e Unazës së Re protestojnë kundër shembjes së banesave të tyre, të cilat i ka kapur prjekti i unazës së Re.

(f.m/dosja.al)

Shto Koment