Politike

Rama tregon masat e reja lehtësuese: Nga e hëna, farmacitë, dyqanet ushqimore dhe bankat do të jenë hapur deri në 17:30

  • Rama rikujton edhe njëherë: Nesër liri-dalje deri në 13:00
  • Rama ka njoftuar se që nga e hëna farmacitë, dyqanet ushqimore dhe bankat do të jenë hapur deri në 17:30. Kreu i qeverisë ka njoftuar se pandemia në vendin tonë, mund të përfundojë në fund të muajit maj.
    Featured image of article: Rama tregon masat e reja lehtësuese: Nga e hëna, farmacitë, dyqanet ushqimore dhe bankat do të jenë hapur deri në 17:30 Edi Rama, Kryeministër i Shqipërisë

    TIRANË- Kryeministri Edi Rama ka njoftuar sot se nga fillim i javës  së ardhshme do të ketë një regjim të për daljen nga banesa. Sipas një njoftimi të bërë nga Rama bëhet me dije se që nga hëna do të zgjerohet fasha e orareve të shërbimeve ushqimore, farmaceutike dhe bankare, të cilat do jenë të hapura deri në orën 17:30.

    Po ashtu kreu i qeverisë ka njoftuar se javën e ardhshme mund të lejohet lëvizja me automjete e personave që shkojnë në punë, do të miratohen ndryshime në Kodin Penal dhe Rrugor, do të përgatitet rregullorja e standardeve për bizneset që pritet të hapen dhe do të publikohet edhe paketa e zgjeruar financiare. Kreu i qeverisë ka deklaruar se pandemia në vendin tonë, mund të përfundojë në fund të muajit maj, ku parashikohet të hapet pjesa më e madhe e bizneseve, por me rregulla të mirëpërcaktuara.

    NJOFTIMI I PLOTË

    NË KUSHTET KUR KURBA E INFEKSIONIT ËSHTË MË E ULËT SE PRITSHMËRIA JONË MË OPTIMISTE, SI REZULTAT I MASAVE TË FORTA QË KEMI MARRË NË KOHËN E DUHUR DHE REZISTENCËS FANTASTIKE TË POPULLIT NË UNITET ME SHTETIN; 🔴NË KUSHTET KUR MUND TË SHOHIM ME OPTIMIZËM TË ARSYESHËM FUNDIN E MUAJIT MAJ SI NJË DALJE NGA KJO FAZË E PARË PËRBALLJEJE TË GJITHANSHME ME ARMIKUN E PADUKSHËM, KU NJË PJESË E MADHE E AKTIVITETIN EKONOMIK MUND TË RIKTHEHET NË NJË NORMALITET TË RI DHE SHUMË KUSH MUND TË RIKTHEHET NË PUNË, ME RREGULLA TË MIRËPËRCAKTUAR NATYRISHT; 🔴 NË KUSHTET KUR DUHET TË PËRBALLOJMË DYZET DITË SHUMË TË RËNDËSISHME, PËR FITOREN E KËSAJ FAZE VENDIMTARE TË REZISTENCËS SONË TË PËRBASHKËT, DUKE U HAPUR ME KUJDESIN MË TË MADH E ME DISA HAPA SHUMË TË MATUR, DUKE VENDOSUR NJËKOHËSISHT MASA TË RREPTA PENALE PËR SHKELËSIT, QË TË BLINDOJMË REZULTATET E ARRITURA ME SAKRIFICË DITË PAS DITE DHE TË MBAJMË MBYLLUR ÇDO SHTEG RIKTHIMI TË ARMIKUT;

    🟢 DO TË ZGJEROJMË DUKE NISUR NGA E HËNA FASHËN ORARE TË SHËRBIMEVE USHQIMORE, FARMACEUTIKE DHE BANKARE, DERI NË ORËN 17.30. 🟢 DO TË ZGJEROJMË BRENDA JAVËS SË ARDHSHME (NËSE KURBA E INFEKSIONIT DO TË QËNDROJË NË TRENDIN AKTUAL) MUNDËSINË E LËVIZJES ME AUTOMJET PRIVAT TË ATYRE QË PUNOJNË NË HAPËSIRËN E LEJUAR TË AKTIVITETIT EKONOMIK 🟢 DO TË MIRATOJMË JAVËN QË VJEN NË PARLAMENT RISITË E KODIT PENAL / RRUGOR PËR PERIUDHËN E GJENDJES SË JASHTËZAKONSHME TË EPIDEMISË

    Për më shumë bëhu pjesë e grupit më viral në Facebook, Dosja.al

    🟢 DO TË PËRGATISIM BRENDA JAVËS TJETËR RREGULLOREN E STANDARDEVE BAZË TË SIGURISË PËR NJËSITË EKONOMIKE TË SHËRBIMIT QË DO TË HAPEN NË JAVËT E MËTEJSHME 🟢 DO TË PUBLIKOJMË FILLIMJAVËN E ARDHSHME, PAKETËN E ZGJERUAR TË MBËSHTETJES FINANCIARE, PËR TË LEHTËSUAR DREJTËPËRDREJTË: 1) BIZNESET E VOGLA QË EDHE PSE NUK U MBYLLËN GJATË KËSAJ PERIUDHE, U GODITËN NDJESHËM NË XHIRON E TYRE SI PASOJË E LUFTËS, SI PËR SHEMBULL AGJENCI TURISTIKE, RROBAQEPĒSI E MOBILERI TË VOGLA, HIDRAULIKË, ELEKTRIÇISTË, FIZIOTERAPI, KANCELARI, SERVISE MAKINASH E LAVAZHE TË LIÇENCUAR, ETJ., PËRFSHIRË EDHE SHOFERËT E TAKSIVE E TË LINJAVE TË TRANSPORTIT URBAN E PUNONJËSIT E TYRE… 2) PUNONJËSIT E BIZNESEVE TË MËDHA, QË BAZUAR NË LISTË-PAGESAT E FUNDIT TË DITËS SË DJESHME, FIGUROJNË TË GODITUR NGA LUFTA NË VENDIN E TYRE TË PUNËS, TË CILËVE DO T’U SIGUROJMË MJETET E NEVOJSHME FINANCIARE TË REZISTENCËS PËR DYZETË DITËT VENDIMTARE NË VIJIM – DUKE MBAJTUR PARASYSH SE NJË PJESË E MADHE E TYRE MUND TË RIKTHEHEN NË PUNË DERI NË FUND TË MAJIT DHE SE PAKETA MUND TË RIZGJEROHET, SIPAS DINAMIKËS E NEVOJAVE TË LUFTËS NË 10 DITËSHIN E FUNDIT TË MUAJIT MAJ. 3) SEKTORËT E TURIZMIT E TË INDUSTRISË FASON DHE NJËSITË PRODHUESE NË TËRËSI.

    Ndërkohë në një njoftim të dytë Rama ka bërë me dije se dhe nesër regjimi i daljes nga shtëpia do jetë deri në orën 13:300 dhe të dielën do jetë çdo gjë puhsim si në javët e kaluara. Këto masa lehtësuese nga qeveria vijnë në një kohë kur numri i të prekurve është 416 të infektuar dhe 24 viktima dhe të shtruar në spital janë 56 persona, ku vetëm njëri është i intubuar.

    (J.V. A.B. Dosja.al)

    Shto Koment