Rajoni

Shkon në 94 numri i të prekurve nga koronavirusi në Kosovë, 3 të infektuar brenda 24 orëve

Lajmin e ka konfirmuar, IKSHPK-ja në një deklaratë zyrtare, ku thekson se gjatë 24 orëve të fundit janë testuar 45 mostra dhe vetëm 3 kanë dalë pozitive, duke e çuar numrin e të prekurve në 94, në total. Ndërkohë në Kosovë ka pasur edhe një viktimë. 
Featured image of article: Shkon në 94 numri i të prekurve nga koronavirusi në Kosovë, 3 të infektuar brenda 24 orëve Foto Ilustruese
Përditësuar:

KOSOVË– Numri i të prekurve me Covid-19 ka shkuar në 94, duke qenë se 24 orët e fundit janë konfirmuar edhe 3 persona të tjerë të infektuar. Lajmin e ka konfirmuar, IKSHPK-ja në një deklaratë zyrtare, ku thekson se gjatë 24 orëve të fundit janë testuar 45 mostra dhe vetëm 3 kanë dalë pozitive, duke e çuar numrin e të prekurve në 94, në total. Ndërkohë në Kosovë ka pasur edhe një viktimë.

Deklarata e plotë e IKSHPK-së:

Për më shumë bëhu pjesë e grupit më viral në Facebook, Dosja.al

TRE RASTE ME COVID-19!Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive.Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë. Nga data 08.02.2020 deri me 29.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.082 mostra të dyshimta në virusin SARS-CoV-2 dhe prej tyre, pozitive rezultojnë gjithsej nëntëdhjetë e katër (94) raste me një (1) rast të vdekjes i një të moshuari 82 vjeç. Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetëizolim dhe të kërkojnë ndihmë mjekësore nëse kanë simptome. Deri më sot janë kontaktuar dhe janë nën mbikëqyrje 2.080 kontakte të rasteve. Nga data 01.02.2020 deri me 29.03.2020 në Aeroportin ndërkombëtar “Adem Jashari” si dhe në pikat tokësore kufitare janë depistuar gjithsej 19.828 udhëtarë. Në Aeroportin “Adem Jashari” 1.070 udhëtarë, Merdare 5.650, Vërmicë 5.445, Jarinje 1.578, Dheu i Bardhë 1.027, Hani i Elezit 3.019, Kullë 1.250, Qafë Morinë 47, Bërnjak 539, Qafë Prush 35, Muçibabë 167 dhe Glloboçicë 1 udhëtarë.Në nivel global, nga data 31 dhjetor 2019 deri më 29 mars 2020 sipas Ëorldometers, janë raportuar gjithsej 702.368 raste të COVID-19 dhe 33.180 raste të vdekjes.

(f.m/dosja.al)

Shto Koment