Politike

Shkarkimi i Metës, debate te Komisioni i Ligjeve/ Braho: Dekreti, s’është llastik për të mbathura. “Preket” Fino

Mbledhje tek Komisioni i Ligjeve për dekretin e presidentit Ilir Meta. Maxhoranca pro shkarkimit të tij. Dpeutetët e LSI-së, pranojnë që Meta ka gabuar. Debat mes Spartak Brahos dhe Ralf Gjonit.
Featured image of article: Shkarkimi i Metës, debate te Komisioni i Ligjeve/ Braho: Dekreti, s’është llastik për të mbathura. “Preket” Fino Komisioni i Ligjeve

TIRANË– Ditën e sotme në Komisionin e Ligjeve në Parlament është diskutuar kërkesa e 55 deputetëve të Kuvendit për të shkarkuar presidentin Ilir Meta.

Lëvizje kjo e ndërmarrë nga maxhoranca pas dekretit të Metës për anulimin e zgjedhjeve të 30 qershorit. 

Sipas mazhorancës dekreti i Metës për të anuluar datën e zgjedhjeve është një shkelje e rëndë Kushtetuese, ndërsa përfaqësuesit e opozitës janë shprehur se në Kushtetutë termi nuk përcaktohet qartë.

Kjo çështje ka nxitur edhe jo pak debate mes deputetëve, Spartak Braho dhe Ralf Gjoni. Të dy kanë kaluar në fyrje mes njëri-tjetrit, debat i cili nisi lidhur me procedurën që duhet të ndërmarrë Komisioni për dekretin e Metës. 

Për më shumë bëhu pjesë e grupit më viral në Facebook, Dosja.al

Disa javë më parë presidenti Ilir Meta anuloi zgjedhjet e 30 qershorit me pretendimin e nëse zhvilloheshin pa opozitën ishin jodemokratike. Opozita përshëndeti vendimin e presidentit, ndërsa maxhoranca nisi mbledhjen e votave për shkarkimin e tij. në mungesë të Gjykatës Kushtetuese, dekreti i Metës u dërgua për t’u shqyrtuar në Kolegjin Zgjedhor, i cili vendosi se zgjedhjet do të zhvillon më 30 qershor.

Vendimi i Kolegjit ende nuk është zbardhur për argumentet që Kolegji ka marrë për bazë për rrëzimin e këtij dekreti, por kjo ishte përballja e parë e dekretit të Metës për anulimin e zgjedhjeve me një institucion në mungesë të gjykatës Kushtetuese.

(k.m./dosja.al)

  • 13:25

    Fino “i prekur” në Komisionin e Ligjeve: Me dhimbje kemi marrë këtë masë

    Deputeti i PS-së, Bashkim Fino gjatë fjalës së tij në Komisionin e Ligjeve është shprehur se vendimi i Metës për anulimin e zgjedhjeve përbën shkelje shumë të rëndë të Kushtetutës.

    Sipas Finos, maxhoranca po i ndjek me dhimbje procedurat për shkarkimin e Metës, por reagimi ka ardhur vetëm si pasojë e shkeljes së Kushtetutës.

    Presidenti ka marrë një copë letër, ka shkruar çfarë ka dashur dhe i ka vendosur emrin dekret. Ajo që më bën përshtypje është letra që presidenti i ka dërguar Kuvendit të Shqipërisë për argumentet e ç’dekretimit. Gjuha e përdorur prej tij është ironike, paragjykuese dhe hipokrite. Jemi përpara një shkelje të nenit 92 të Kushtetutës dhe me dhimbje kemi marrë këtë masë që po ia paraqesim Parlamentit”, tha Fino.

  • 13:25

    Deputetja e LSI-së kritikon Metën: Ishte momenti i gabuar, ka për detyrë të jetë ‘buon padre di famiglia’

    Aurora Mara dhe Ilir Meta

    Ditën e sotme Komisioni i Ligjeve është mbledhur të shqyrtuar kërkesën e 55 deputetëve të maxhorancës për shkarkimin e Presidentit Ilir Meta pas vendimit të tij për anulimin e zgjedhjeve të 30 qershorit.

    Në fjalën e saj, deputetja e LSI-së, Aurora Mara pranoi se anulimi i zgjedhjeve nga Meta disa javë para 30 qershorit ishte një lëvizje e gabuar.

    Momenti ishte i gabuar. Institucionet si Presidenti nuk mund të gabojnë në kohë. Shumë e rëndësishme është. Presidenti ka për detyrë që të jetë si “buon padre di famiglia” (babai i mirë i familjes). Dhe detyra e tij sipas meje mungoi ose nuk u menaxhua mirë. Pasojat sollën akte të dhunshme. Duhet të diskutojmë edhe mbi to.

    Aurora Mara, deputete

  • 13:25

    Shkarkimi i Metës, Gjoni debat me Brahon: Mbaroi komunizmi, mos u merr me mua!

    Komisioni i Ligjeve është mbledhur të shqyrtuar kërkesën e 55 deputetëve të maxhorancës për shkarkimin e Presidentit Ilir Meta pas vendimit të tij për anulimin e zgjedhjeve të 30 qershorit.

    Teksa po diskutonin lidhur me ngritjen e një Komisioni, i cili do të vlerësonte shkeljen e bërë nga presidenti Meta, në një moment ka pasur edhe një debat mes deputetit socialist Spartak Braho dhe atij të LSI-së, Ralf Gjoni.

    Debati mes të dyve ka përfunduar me fyerje personale, ndërsa Gjoni ka kërkuar ndihmë nga kreu i Komisionit Manja për kontrollimin e fjalorit të anëtarëve.

    DEBATI I PLOTË:

    Ralf Gjoni: Sipas Kushtetutës Presidenti shkarkohet nëse kryen një shkeljë të rëndë apo krim të rëndë. Kush e përcakton se çfarë është shkelja e rëndë sepse nuk e kuptoj? Juristët na e kanë ndritur. Unë nuk jam pro dekretit të presidentit sepse besoj që për të shfuqizuar dekretin e parë është i pabazuar në Kushtetutë. Unë besoj se institucioni që mund të vlerësojë është Gjykata Kushtetuese.

    Spartak Braho: Ne sot nuk jemi mbledhur për të filluar një procedurë, e cila do të konstatojë nëse është shkelje e rëndë. E kupton këtë që të them apo jo. I dashur Ralfi, dekreti i presidentit nuk është llastik për të mbathura, që mund të të hapet sa herë dhe sa të duash. Është shtyllë dhe neni 92/2 thotë Presidenti i Republikës dekreton zgjedhjet. Nuk ka më as çdekret as njoftim, as vendim. Cdekretimi që ai ka paraqitur nuk parashikohet fare në Kushtetutë.

    Ralf Gjoni: E kuptoj shumë mirë, më mirë se ty zoti Braho

    Spartak Braho: Le ti japim mundësi parlamentit të nisë procedurën ta hetojë situatën. Ishalla presidenti nuk e shkelur rëndë që të shkarkohet por për mendimin tim shkelja është e rëndë megjithatë të ngrihet një komision hetimor. Mund të bëj thirrje që ti të jesh anëtar i atij komisioni dhe ta shikosh me sytë e tu që presidenti e ka shkelur rëndë Kushtetutën. Në përfundim unë bashkohem me konkluzionet që relatoi edhe zoti Fino dhe le t’i hapim rrugë komisionit hetimor.

    (Debati pa mikrofon mes Spartak Brahos dhe Ralf Gjonit)

    Ralf Gjoni: Unë e kuptoj shumë mirë mo. Ka mundësi? Kontrolloni anëtarët e komisionit si flasin. Nuk jemi në komunizëm. Zoti Braho mbaroi komunizmi. Me të njëjtën mendësi juriste në 1990 ju kaluat 7501 dhe i morët të drejtën e pronësisë çdo qytetari shqiptar. Mos na bëni arrogancë juridike. Po mos mu drejto mua . Nëse ke problem me presidentin adresoja presidentit. Mos u merr me mua. Edhe fjalët kursej. Kujdes se nuk je prokuror. U përdor një fjalë fyese këtu. Kontrolloni anëtarët.

    (k.m/dosja.al)

Shto Koment