Aktualitet

SHIFRAT/ Ballkani goditet nga vala e dytë e koronavirusit, Kroacia kthen karantinën 14 ditore për fqinjët, Kosova me orë policore, si është situata në vendet e tjera

Shifrat në rritje që vijnë nga Serbia kanë bërë që Greqia të vendosë mbylljen e kufijve për vizitorët nga ky vend. Nga ora 6 e mëngjesit të së hënës, qeveria greke ka vendosur të ndalojë hyrjen e shtetasve serb në territorin e saj. Të njëjtën gjë Greqia ka bërë edhem e Shqipërinë.
Featured image of article: SHIFRAT/ Ballkani goditet nga vala e dytë e koronavirusit, Kroacia kthen karantinën 14 ditore për fqinjët, Kosova me orë policore, si është situata në vendet e tjera Foto Ilustruese

BALLKAN– Koronavirusi është rikthyer fuqishëm në Ballakn, dhe diket sikur po kthehet një tjetër valë e fortë e Covid-19. Ministria serbe e Shëndetësisë tha një ditë më parë se tetë persona kishin humbur jetën 24 orët e kaluara si pasojë e koronavirusit duke e çuar totalin në 306, ndërsa rastet e reja ishin 325.

Shifrat në rritje që vijnë nga Serbia kanë bërë që Greqia të vendosë mbylljen e kufijve për vizitorët nga ky vend. Nga ora 6 e mëngjesit të së hënës, qeveria greke ka vendosur të ndalojë hyrjen e shtetasve serb në territorin e saj. Të njëjtën gjë Greqia ka bërë edhem e Shqipërinë.

Vala e dytë ka prekur edhe Malin e Zi, vend i cili ka raportuar 57 raste të reja.

Bosnje Hercegovina ka shënuar rekorde të reja, me 289 raste koronavirusi të konfirmuara të premten dhe 141 të shtunën, 99 prej të cilëve në kryeqytet, Sarajevë.

Maqedonia e Veriut gjithashtu vazhdon të sjellë shifra alarmante. Vetëm në 24 orët e fundit ka konfirmuar 7 viktima, mes tyre një mjek shqiptar, ndërkohë që 115 persona të tjerë ishin të infektuar me Covid-19.

Frika është shtuar shumë edhe në Slloveni, që javët e shkuara ishte pranë shpalljes së fundit të epidemisë. Të shtunën, Sllovenia raportoi 21 raste të reja të regjistruar në një ditë të vetme dhe një ditë më parë, të premten, rastet e konfirmuara ishin 30.

Për më shumë bëhu pjesë e grupit më viral në Facebook, Dosja.al

Kroacia ka raportuar 57 raste të reja infektimi në 24 orët e shkuara dhe numri total i rasteve aktive është tani 842. Të mërkurën, Kroacia ktheu kufizimet në kufi me vendet fqinje. Tani, qytetarët nga Serbia, Bosnja, Kosova dhe Maqedonia e Veriut do t’i nënshtrohen karantinës së detyrueshme 14 ditore, nëse hyjnë në Kroaci.

Situata është alarmante edhe në Rumani, ku numri total i rasteve ka kapërcyer 28 mijë, me 870 raste të reja të konfirmuara për 48 orët e kaluara.

Ndërsa në Kosovë është rikthyer ora policore dhe shumë biznese janë mbyllur. Kryeminsitri Abdullah Hoti lajmëroi ditën e sotme se qytetarët mund të lëvizin lirshëm deri në prën 21:00 t darkës, ndërsa pas kësaj ore është e ndaluar të lëvizësh. Gjithashtu klubet e natës, u mbyllën.

Shqipëria ka pasur gjithashtu në rritje numrin e të prekurve me Covid-19. Gjatë 24 orëve të fundit u regjistruan 74 raste me COVID-19. Dy pacientë të tjerë humbën betejën me virusin duke i çuar shifrat në 76. Aktualisht në vendin tonë ka 1160 raste aktive. Sakaq në spitalin Infektiv po marrin shërbim 89 pacientë, 11 prej të cilëve në gjendje të rënduar, ku një është intubuar.

(f.m/dosja.al)

Shto Koment