Aktualitet

Çështja është në gjyq/ I ka 3 mln euro borxh, plas sherri mes ortakëve në Tiranë, i ‘pakënaquri’ lë banorët e shtëpive jashtë, u bllokon hyrjen e pallatit, s’u jep zgjidhje as policia

VIDEO
Ortaku i pakënqur me ortakun tjetër ka rreshtuar kamionët në hyrjen e pallatit në shenjë revolte. Në këtë mënyrë, të gjithë qytetarët që banojnë në këtë pallat të ndërtuar nga kompania, ortakët e të cilës janë në konflikt, nuk hyjnë e nuk dalin dot.
Featured image of article: Çështja është në gjyq/ I ka 3 mln euro borxh, plas sherri mes ortakëve në Tiranë, i ‘pakënaquri’ lë banorët e shtëpive jashtë, u bllokon hyrjen e pallatit, s’u jep zgjidhje as policia Pamje nga Tirana

TIRANË– Një konflikt me dy ortakëve të një kompanie ka bllokuar banorët e një pallati në kryeqytet. Dosja.al mëson se ngjarja ka ndodhur në rrugën “Ndre Mdjeda”, në orën 04:00 të mëngjesit.

Ortaku i pakënqur me ortakun tjetër ka rreshtuar kamionët në hyrjen e pallatit në shenjë revolte. Në këtë mënyrë, të gjithë qytetarët që banojnë në këtë pallat të ndërtuar nga kompania, ortakët e të cilës janë në konflikt, nuk hyjnë e nuk dalin dot.

Për më shumë bëhu pjesë e grupit më viral në Facebook, Dosja.al

Ata presin që ortakët të arrijnë në një marrëveshje, ndërkohë që kanë njoftuar edhe policinë. Kjo e fundit ka shkuar në vendin e ngjarjes por nuk ka arritur dot që të zgjidhë konfliktin mes tyre.

Ata që e vuajnë këtë sherr mes ortakësh janë pikërisht qytetarët, të cilët janë ngujuar në banesa, ose ata që kanë dalë jashtë, nuk futen dot më brenda.

(f.m/dosja.al)

  • 10:31

    “Më jep borxhin”/ Janë në gjyq për rreth 3 mln euro, zbardhen detaje nga sherri i ortakëve në Tiranë, dominuesi i aksioneve nuk lë të futen në banesa ata të pakicës

    Dosja.al ka zbardhur detaje nga konflikti mes dy ortakëve të një kompanie në Tiranë, gjë të cilën po e vuajnë banorët e një pallati. Mësohet se të dy ortakët janë në gjyq për 3 milionë euro, pasi ai që ka më pak aksione ia ka borxh ‘dominuesit’. Rrjedhimi ky i fundit, në shenjë revolte ka rreshtuar kamionët në hyrjen e pallatit që kanë ndërtuar bashkë dhe të gjithë ata qytetarë që kanë blerë shtëpi tek ‘borxhliu’, nuk futen dot brenda.

Shto Koment