Aktualitet

Sherr mes bashkëkombasve në Greqi/ I riu godet shqiptarin me kaçavidë në kokë dhe vetëdorëzohet në polici, 38-vjeçari rëndë në spital

Një i ri shqiptar ka goditur në kokë me kaçavidë bashkëkombasin e tij. Pasi kreu aktin, 32-vjeçari u vetëdorëzua.
Featured image of article: Sherr mes bashkëkombasve në Greqi/ I riu godet shqiptarin me kaçavidë në kokë dhe vetëdorëzohet në polici, 38-vjeçari rëndë në spital Foto ilustruese

GREQI– Një i ri shqiptar është arrestuar nga Policia e Korfuzit pasi kishte tentuar që të vriste bashkëkombasin e tij 38-vjeçar.

32-vjeçari nga Shqipëria, identiteti i të cilit ende nuk është bërë i ditur, ishte vetëdorëzuar në Polici ku edhe kishte rrëfyer ngjarjen.

Sipas mediave greke, gjithçka nisi pas një sherri disa ditë më parë në Dassia të Korfuzit, ku 32-vjeçari goditi shqiptarin tjetër me kaçavidë në kokë.

I riu është shtruar në spital ku edhe ndodhet në gjendje të rëndë, ndërsa 32-vjeçari ndodhet në paraburgim.

Marrë nga CorfuPress

(k.m/dosja.al)

Shto Koment