Politike

SHËNIM: Vendimi për Teatrin Kombëtar hyn në fuqi në 24 maj, shkatërrimi i paligjshëm… kush përgjigjet për nxitimin Rama-Veliaj për të zhbërë rregullat!

Shkelja më e madhe është procedura, e cila është kthyer në një letër higjienike në zyrën e kryebashkiakut Erion Veliaj. Do të thonim, kryeministrit, por Veliaj e mori me shumë dëshirë vëmendjen për Teatrin, me kalimin e pronësisë. Është Erion Veliaj, përgjegjës që godina e Teatrit u prish dje. 
Featured image of article: SHËNIM: Vendimi për Teatrin Kombëtar hyn në fuqi në 24 maj, shkatërrimi i paligjshëm… kush përgjigjet për nxitimin Rama-Veliaj për të zhbërë rregullat! Pamje nga perplasjet

TIRANË- Siç e miratuan fshehurazi dhe ilegalisht vendimin e Këshillit Bashkiak për të shembur Teatrin, ashtu edhe e zbatuan. Pritën derisa vigjilenca e aktorëve dhe e opozitës ra, për të ndërhyrë. Bashkë me ta, janë edhe grupi i oligarkëve mediatikë, që dje si kurrë më parë ulën “qepenin” e transmetimit, për të mos treguar tek shqiptarët dhe qytetarët e Tiranës, atë që realisht po ndodhte në sheshin e Teatrit.

Me ta ishte edhe Policia, që edhe gazetarëve si rrallë herë në botë, refuzoi t’ju njihte kartën për lëvizje. Tirana ishte e rrethuar, megjithëse skeptikët e mëdhenj duket se ishin liderët e opozitës. Po ato media që qëndrojnë në transmetim të drejtpërdrejtë me çdo personazh vulgar, për to dje nuk kishte tension dhe një alarm për një nga lajmet më të rëndësishme të ditës.

Por megjithatë, shkelja më e madhe është procedura, e cila është kthyer në një letër higjienike në zyrën e kryebashkiakut Erion Veliaj. Do të thonim, kryeministrit, por Veliaj e mori me shumë dëshirë vëmendjen për Teatrin, me kalimin e pronësisë. Është Erion Veliaj, përgjegjës që godina e Teatrit u prish dje.

Pas vendimit të dyshimtë të Këshillit Bashkiak, urdhëri për shembjen e Teatrit Kombëtar, jepet nga Agjencia e Zhvillimit të Territorit. Është ky institucion që lëshon një leje-prishjeje, pas një aplikimi nga Bashkia Tiranë. Të hënën, Këshilli Bashkiak do të mblidhet, për të diskutuar për rindërtimin e Teatrit.

Edhe në këtë rast, është Agjencia e Zhvillimit të Territorit, ajo që jep leje ndërtimi për ndërtimin, e po ashtu ky vendim bëhet pas miratimit të projektit. Projekti siç tashmë e dimë të gjithë, nuk është gati. Nuk mund të ketë një leje prishjeje, nëse nuk bashkohet me një leje ndërtimi. Është AZHT, që ka një afat prej 60 ditë për të marrë vendim. Lejet, pocedura bashkë me projektin do të kërkonin më së paku 6 muaj, e kësisoj Teatri nuk mund të prishej përpara muajit nëntor.

Për më shumë bëhu pjesë e grupit më viral në Facebook, Dosja.al

Por në këtë krim të shkatërrimit të kujtesës historike të Tiranës, u bashkuan mediat e qeverisë, ata që shohin “gjigantë” mes protestuesve, dhe atyre që shohin të bukurën për ne që ligësia na ka zaptuar, ka edhe një tjetër akt edhe më të rëndë. Mos-respektimin e asnjë rregulli apo procedure. Ligji 139/2015, në pikën 55 për qeverisjen vendore, sanksionon shumë qartë, se “Aktet e këshillit shpallen brenda 10 ditëve nga data e miratimit të tyre dhe hyjnë në fuqi 10 ditë pas shpalljes.“, e kësisoj, minumimi i afatit që do të duhej për të shembur Teatrin Kombëtar do të ishte data 24 maj. Por, mesa duket as SPAK, nuk i ditka procedurat ligjore.

Ata nuk pritën, ata nxituan në kohën më të volitshme, kur qytetarët janë të izoluar në shtëpi, e në rrugë i prej kërbaçi dhe gjoba, e ndërkohë teatri s’është më!

(F.g./dosja.al)

Shto Koment