SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Po nuk u arrestua Veliaj nuk ka drejtësi"/ Këlliçi komenton arrestimet në Bashkinë Tiranë: Ju mendoni ai nuk ka...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
TIRANË- “Mos lexoni romane, ato janë për pensionistët dhe ata që janë të pasur”, “kjo kohë do të tregojë ata që kanë vlerë nga ata që janë të pavlerë”, pak a shumë këto ishin disa nga ‘Postulatet’ që regjisori, aktori, këngëtari dhe biznesmeni Ermal Mamaqi ndau me ndjekësit e tij të rrjeteve sociale e shkaktoi në këto ditë karantine, furtunë në rrjetet sociale.
Në një video nga oborri, (me gjasë i rezidencës së tij në Rolling Hills), pasi ndez një puro, Ermal Mamaqi me një kapele në kokë, iu drejtohet të gjithë shqiptarëve dhe iu bën thirrje që ngrihen për të ndërmarrë aksione të fuqishme që do t’i prijnë drejt rrugës së suksesit.
Me zë të lartë, i bindur edhe vetë që po jep këshillat më të mira, Ermali iu thotë fillimisht që të gjithë ‘idjotëve’ që të mos vazhdojnë të shikojnë këtë video, pasi ajo është vetëm për ata që vlejnë! Në fakt, po merremi shkurtimisht me Ermalin për t’i treguar se në fakt, shqiptarët me librin i kanë mbyllur punët shpejt, e nuk ka karantinë që t’i bashkojë.
Statistikat e fundit, (LEXO KËTU TË PLOTË), tregojnë se nga 2 milionë e 800 mijë shqiptarë, vetëm 44 mijë prej tyre kanë lexuar më shumë sesa 10 libra në vit. 102 mijë banorë të tjerë kanë lexuar nga 5 deri në 10 libra gjatë vitit të shkuar. Libra nuk lexuan, e tregojnë shifrat zyrtare, po të suksesshëm a u bënë?! Hmmm, presim videon e radhës për të na sqaruar më tej.
Por përveç mesazhit pompoz që ka në fokus më shumë sesa braktisjen e leximit, por gjetjen e rrugëve të shpejta për t’u pasuruar në kohë pandemie, a thua se paratë janë në shesh dhe thjesht duhet të lemë romanin tek komodina e gjyshit dhe të çohemi t’i mbledhim, ne na tërhoqi vëmendjen kategorizimi që Ermali i bën rinisë dhe familjeve shqiptare.
Duke mos treguar se ku bazohet, thotë se dy vitet që do të vijnë, do të jenë më të vështirat dhe do të mbijetojnë vetëm ata që kanë vlerë, ndërsa ata që janë mësuar të marrin ‘lekë kot’ sipas Ermalit, duhet të frikësohen.
Në fakt kjo ka qenë gjithmonë kështu, dhe s’ka pse të jetë vetëm në dy vitet e ardhshme, apo jo?! Është një rrotullim i vjetër po aq sa ai i Tokës rreth Diellit, dhe historia njerëzore ka treguar se pavarësisht recesioneve, ndryshimeve, revolucioneve, më të padobishmit ia kanë arritur të riciklohen.
Nuk ka asnjë sistem politik dhe shoqëror që mund të na shërbejë si manual zgjidhjeje për të larguar nga ambientet e punës parazitët. E më tej, Ermali, (ndjesë që po i drejtohemi në emër, shpresojmë të mos e ketë problem), shton se dy vitet e ardhshme të gjithë emigrantët shqiptarë do të kthehen në atdheun e tyre? Ku bazohet ky konstatim?
Të gjitha vendet evropiane, përfshirë edhe SHBA kanë deklaruar zyrtarisht mbylljen e kufijve, dhe rikthimin gradual në vendet e punës për të gjithë, për një botë globaliste që tashmë ka avancuar, e mund të kthehet hapa pas për fitimet por jo për krahun e punës. Për këtë na vjen një fakt tjetër në ndihmë;
Greqia, fqinji ynë më i afërt kërkon gjetjen e një shtegu për të rimarrë punëtorët sezonalë atje. Ndërkohë që ministrat e BE-së, mblidhen nesër për të gjetur zgjidhjet për të funksionuar turizmi. Askush prej tyre nuk foli për kthim emigrantësh, por vetëm për rikthim gradual në normalitet. Se ku e gjeti Ermali këtë përfundim, këtë po e marrim si batutë.
Sugjerimi i tretë është që të gjithë të mbyllen për një orë në dhomën e tyre, të mbyllin sytë dhe vetëm të mendojnë, pasi gjatë këtyre 60 minutave, do të gjejnë të paktën zgjedhjen e pesë problemeve! Dhe kështu, pak nga pak, duke menduar dhe duke ‘ndriçuar mendjen’ sipas formulës së aktorit, do të arrish të gjesh rrugën drejt suksesit. Këto lloj fjalimesh, inspiruara nga TEDX, Ermali por edhe disa “filantropë” të tjerë shqiptarë, që në televizor japin formula suksesi, por nuk financojnë kurrë pa kushte grantet për sipërmarrjet e reja dhe inicitivat e biznesit të ri, e kësisoj këto mesazhe, pa u konkretizuar me një akt, apo nismë…ngelen… fjalë.
Fjala bie, po vetë Mamaqi si u bë i pasur? Duke lexuar? Ka të drejtë, me aq sa e kemi ndjekur karrierën e tij në këto vite, kjo mundësi përjashtohet.
Nuk do të ishte shumë shqetësuese kjo hedhje e gurit në lumit nga Ermali, nëse prapa tij nuk do të qëndronin 1.2 milionë shqiptarë, të cilët nëse ndajnë një mendim të kundërt nga ai, do të duhet të mësojnë “unfollow”, një teknikë dhe hap që ndiqet nga gjithë bota, jo vetëm për profilet, por edhe për produksionet televizive që një pjesë e publikut i sheh si toksike. Këta 1.2 milionë ndjekës frymëzohen nga Ermali të mos mësojnë, por të mprehin dhëmbët për të kapur paranë e lehtë. Një frymëzim që marrin të gjithë spaçatorët e drogës, grabitësit e bankave, vrasësit me pagesë, e ata që hyjnë nëpër listat e partive, që të gjejnë një punë në shtet, e më pas të grabisin paratë tona.
(f.g/dosja.al)
1 vit nga zgjedhjet e 25 prillit si e shikoni gjendjen e vendit:
Shumë kohë para lindjes së vetë Jezu Krishtit, u bë lufta më e famshme “mitike” që bota kish parë e dëgjuar, “Lufta e Trojës”. Dhjetë vjet luftë, beteja të humb...
TIRANË- Pse Ermal Mamaqi ka te drejte?! Nuk jam fort mire me Instagramin, per zgjedhje personale, por edhe sepse Facebooku me merr teper kohe. Dhe pikerish...
“Bir Selman i nënës kë të qaj më parë!”Karantinën apo këtë rumpallë?”Në këtë situatë të vështirë, kur s’dihet as kur do përfundojë dhe as si do përfundojë, njer...
Në javët e para kur filloi izolimi prej Covid-it dhe forma e re e të punuarit dhe mësuarit hyri në fuqi, u bë virale një video e një profesori të ftuar në BBC, ...
Shqipëri- Krahasimi që kam për dorur për të përshkruar momentin ku ndodhemi me epideminë Covid 19, është ai i kalimit të anijes sonë përmes Shillës dhe Karridbë...
Një ditë, bota do të rihapet. Një ditë, do të merrni pjesë në festa ditëlindjesh, do të shkoni në kishë, do të bëni pushime.Kjo dihet natyrisht. Ajo që doni të ...
Jo “eksodi”, por “spastrimi etnik” është akt i gjenociditPërdorimi i gabuar i termit “eksod”Në mars të vitit 2019 OJQ “Eksodi ‘99” përuroi librin “Eksodi 99” ...
(Tregimi i së dielës)Sa herë më merr në cel vëllai nga Athina,gjysma e kohës na kalon duke qeshur. Ndodh se ai tregon bukur e plot humor, por edhe nga që s’jemi...
A ka jetë përtej një fotografie me dritë të mirë dhe një Giveaway?Qysh prej ditës së parë e deri më tani, nuk ka patur një ditë që të jem mërzitur në shtëpi. Pa...
KUKËS– Kukësi më dt. 14 Prill 2020 fatkeqësisht shënoi rastin e parë me Covid 19. Nuk ishte dëshira e askujt që kjo të ndodhte. Do të donim shumë që ...