Aktualitet

Shembja e banesave në Astir, Veliaj: Nëse ke marrë paratë, ndalo sabotimin. PD-ja në pikiatë

Në një reagim në rrjetet sociale, disa orë pasi në zonën e Astirit kanë nisur përllasjet mes efektivëve të policisë dhe banorëve pasi këta të fundit kundërshtojnë shembjen e ndërtesave të tyre, Veliaj thotë se pronarët janë dëmshpërblyer. 
Featured image of article: Shembja e banesave në Astir, Veliaj: Nëse ke marrë paratë, ndalo sabotimin. PD-ja në pikiatë

TIRANË– Kryebashkiaku i Tiranës Erion Veliaj është shprehur se pronarët e banesave që janë planifikuar të shemben ditën e sotme nga IKMT-ja janë kompensuar.

Në një reagim në rrjetet sociale, disa orë pasi në zonën e Astirit kanë nisur përllasjet mes efektivëve të policisë dhe banorëve pasi këta të fundit kundërshtojnë shembjen e ndërtesave të tyre, Veliaj thotë se pronarët janë dëmshpërblyer. 

Kjo gjë nuk pranhet nga banorët e kësaj zone të cilët gjatë gjithë kundërshtimit të policisë, kanë treguar se nuk kanë marrë asnjë qindarkë si dëmshpërblim për shembjen e banesave të tyre. 

Ndërsa për PD-në, Veliaj shkruan më tej se është një parti e ngritur mbi kulturën e zaptim-bllokimit por që sipas tij sot është në pikiatë. 

Nese ke marre parate apo perqindje ne pallat, eshte e arsyeshme ta ndalosh sabotimin e Tiranes!  Partite e ngritura mbi kulturen e zaptim-bllokimit ne pikiate!“- shkruan në Tëitter kryebashkiaku Veliaj.

Ndërkohë që IKMT-ja ka nisur shembjen e banesave sot në Astir. Në spitalin e Traumës kanë mbërritur 3 efektivë policie dhe katër banorë të kësaj zone që kanë mbtur të plagosur.

Banorët janë lënduar pas përdorimit të gazit lotsjellës nga efektivët e ndërsa këta të fundit janë sulmuar me gurë nga qytetarët. Mbi dhjetë persona janë shoqëruar, mes tyre edhe pedagogu Ervin Goci, i cili ka shkuar në mbështetje të banorëve.

(f.m/dosja.al)

Shto Koment