Sport

Shehi: “Kjo java përcaktuese për Tiranën, nuk do të kursejmë asnjë për derbin”

“Kastrioti është kundërshtar që nuk ka marrë pikë në javët e fundit, por të hap probleme sepse edhe ata kanë objektivat e tyre për të arritur. Ne jemi për t’u ngjitur lart, ata janë për t’i shpëtuar fundit të tabelës. Do të jetë një ndeshje e luftuar nesër”
Featured image of article: Shehi: “Kjo java përcaktuese për Tiranën, nuk do të kursejmë asnjë për derbin”

TIRANE – Bardheblutë e kryeqytetit nesër do të luajnë ndaj Kastriotit, ndaj të cilit do të kërkojnë fitoren për të mbajtur gjallë shpresat e kualifikimit në Kupat e Europës. Para kësaj ndeshje, e cila zhvillohet në “Selman Stermasi” në orën 16:00, ka folur trajneri i kampionëve në fuqi, Orges Shehi.

Rëndësia e ndeshjes? “Kemi thënë se çdo skuadër ka objektivat e veta. Kastrioti është kundërshtar që nuk ka marrë pikë në javët e fundit, por të hap probleme sepse edhe ata kanë objektivat e tyre për të arritur. Ne jemi për t’u ngjitur lart, ata janë për t’i shpëtuar fundit të tabelës. Do të jetë një ndeshje e luftuar nesër. Na ndajnë vetëm 5 javë nga fundit, duhet të jemi të përqendruar, të kujdesshëm dhe të çojmë topin në rrjetë. Kjo javë është shumë përcaktuese për ne, kur marrim gjithë frytet e sezonit. Tirana ka pasur një sezon shumë të ngarkuar sepse ka nisur shumë herët vitin futbollistik”.

Rivali më i rëndësishëm? “Kastrioti, ai me të cilin do të luajmë nesër. Nuk është rivali ynë direkt, por rivali i radhës është më i rëndësishmi. Duhet të bëjmë mirë, të shfrytëzojmë rastet sepse futbolli është edhe lojë momenti dhe duhet shfrytëzuar. Rasti i parë që do na jepet, do duhet ta shënojmë sepse na ndihmon për vazhdimësinë e ndeshjes. Nesër nuk do kursejmë asnjë lojtar për derbin”.

Për më shumë bëhu pjesë e grupit më viral në Facebook, Dosja.al

Mungesat? “Kemi edhe mungesa për shkak kartonësh. Do fus lojtarët që janë në gjendjen më të mirë. Nëse herët e tjera nuk e kemi në dorë, mendoj se kemi shanset tona nëse i fitojmë të gjitha ndeshjet. Nëse ndodh kjo, mendoj se do jemi brenda objektivit tonë”. 

B.T (Dosja.al)

Shto Koment