Aktualitet

Lejuan kalimin e palgjishëm të 19 emigrantëve, SHÇBA shkatërron grupin kriminal, arrestohet 1 polic (FT)

Në këtë aksion të SHÇBA-së u sekuestruan në cilësinë e provës materiale 4 automjete, aparate celularë dhe 120.000 lekë
Featured image of article: Lejuan kalimin e palgjishëm të 19 emigrantëve, SHÇBA shkatërron grupin kriminal, arrestohet 1 polic (FT) Mjetet dhe paratë e sekuestruara

TIRANË- Shërbimet për Çështje të Brendshme dhe Ankesat në Policinë e Shtetit ka arrestuar sot një punonjës policie.  Sipas një njoftimi nga SHÇBA, bëhet me dije se të arrestuar kanë mbetur dhe katër qyetarë, të cilët akuzohen se kanë ndihmuar 19 shtetas për të kalaur kufirin në mënyrë të paligjshme. 

Në këtë aksion të SHÇBA-së u sekuestruan në cilësinë e provës materiale 4 automjete, aparate celularë dhe 120.000 lekë. Më tej shtohet se në gjendje të lirë po hetohet dhe për Shefin e Stacionit dhe 2 punonjës të Patrullës të Kontrollit të Kufirit të gjelbër, për mos-përmbushje të detyrës.

 

 

NJOFTIMI I PLOTË

Pas një hetimi me metoda speciale, Shërbimi për Çështje të Brendshme dhe Ankesa (SHÇBA) arrestoi në flagrancë 1 punonjës policie dhe 4 shtetas të tjerë, të cilët dyshohet se kanë ndihmuar 19 shtetas të huaj për të kaluar kufirin në mënyrë të paligjshme.

Për më shumë bëhu pjesë e grupit më viral në Facebook, Dosja.al

SHÇBA finalizoi goditjen ndaj këtij grupi, në hyrje të qytetit të Pogradecit rreth orës 23:50, të datës 9 maj 2019. Shërbimet ndaluan 19 shtetas të huaj, me shtetësi kurdë dhe sirianë, të cilët po transportoheshin drejt Tiranës me mjete që drejtoheshin nga shtetasit shqiptarë E.A. dhe T.H.

Shtetasit e huaj kanë hyrë nga kufiri i gjelbër në zonën e Devollit dhe në afërsi të fshatit Trestenik janë marrë me makina nga shtetasit E.A. dhe T.H. Punonjësi i Policisë, J.Z. (trup shërbimi në Komisariatin e Elbasanit) dyshohet se kishte rolin e kontrolluesit të rrugës. Shtetasit M.A. dhe K.M. ishin shoqërues.

Në këtë aksion të SHÇBA-së u sekuestruan në cilësinë e provës materiale 4 automjete, aparate celularë dhe 120.000 lekë. Mbi shtetasit e arrestuar është ngritur akuza për veprën penale “Ndihma për kalim të paligjshëm të kufirit, kryer në bashkëpunim”.

Gjithashtu SHÇBA po vijon ndjekjen penale në gjendje të lirë për veprën penale të “Shpërdorimit të detyrës”, për Shefin e Stacionit dhe 2 punonjës të Patrullës të Kontrollit të Kufirit të gjelbër, për mos-përmbushje të detyrës.

SHÇBA fton këdo që ka informacion për paligjshmëri apo abuzim nga punonjës të Policisë, të denoncojnë falas në numrin 0800 90 90, në kushte anonimati.

(A.B & A.S/ Dosja.al)

Shto Koment