Bota

SHBA-të festojnë sot Ditën e Pavarësisë, koronavirusi i privon nga ‘tradita’, fishekzjarrët do shijohen nga shtëpia

Sot Amerika feston 244 vjetorin e Pavarësisë. Në vitin 1776, delegatët nga 13 kolonitë e Shteteve të Bashkuara miratuan 'Deklaratën e Pavarësisë', duke njoftuar shkëputjen nga Britania.
Featured image of article: SHBA-të festojnë sot Ditën e Pavarësisë, koronavirusi i privon nga ‘tradita’, fishekzjarrët do shijohen nga shtëpia Foto ilustruese

SHBA– Amerika feston sot “4 korrikun”, ose e njohur ndryshe si Dita e Pavarësisë. Në vitin 1776, delegatët nga 13 kolonitë e Shteteve të Bashkuara miratuan ‘Deklaratën e Pavarësisë’, duke njoftuar shkëputjen nga Britania.

Kjo ditë është festë federale në Shtetet e Bashkuara që nga viti 1941 dhe tradicionalisht është një ditë kur amerikanët festojnë me fishekzjarre, parada, koncerte dhe piknikë. 4 korrik është i njohur në të gjithë vendin si dita e fishekzjarreve. Por për shkak të pandemisë së koronavirusit, qytetarët amerikanë nuk do të mund të festojë 244 vjetorin e Pavarësisë dhe t’i shikojnë fishekzjarret nga banesat e tyre, duke ‘harruar’ traditat e përvitshme.

Edhe këtu në Shqipëri, Ambasada Amerikane organizoi festime disa ditë më parë. Ambasadorja Yuri Kim ftoi një grupim të vogël njerëzit në rezidencën e saj për të mbajtur festimet. Nuk munguan “kokat” e politikës shqiptare dhe bashkëshortet e tyre.

Ambasadorja e SHBA-ve në Tiranë, Yuri Kim përmes një postimi në rrjetet sociale bëri urimin e saj tha se pavarësisht pandemisë  që i ka detyruar të qëndrojnë në distancë, sipas saj amerikanët dhe shqiptarët janë po aq afër dhe të bashkuar si gjithmonë.

Gjithashtu në këtë ditë të shënuar për SHBA, liderët shqiptarë e ato kosovarë kanë uruar SHBA në ditën e pavarësisë.

Kryeministri i vendit tonë, Edi Rama përmes postimit në rrjetet sociale uroi Amerikën  duke shkruar: Gëzuar ditëlindjen Amerikë. Zoti i bekoftë Shtetet e Bashkuara.

Për më shumë bëhu pjesë e grupit më viral në Facebook, Dosja.al

Një urim të ngjashëm bëri edhe Presidenti i Kosovës, Hashim Thaçi i cili  teksa tha se populli i Kosovës  është përjetësisht falënderues për mbështetjen amerikane, u shpreh: Zoti e bekoftë miqësinë me Shtetet e Bashkuara të Amerikës!

Historia

Më 2 korrik 1776, Kongresi Kontinental votoi në favor të pavarësisë. Dy ditë më vonë, delegatët nga 13 kolonitë amerikane miratuan Deklaratën e Pavarësisë, të hartuar nga Thomas Jefferson.

Disa studiues konstitucionalë argumentojnë se amerikanët duhet të festojnë në të vërtetë më 2 korrik – dhe jo 4 korrik – për shkak të votimit historik.

Rebelimi i Shteteve të Bashkuara kundër britanikëve kishte filluar një vit më parë, më 1775 dhe vazhdoi derisa Shtetet e Bashkuara dhe Britania nënshkruan Traktatin e Parisit në vitin 1783, i cili zyrtarisht njohu pavarësinë e Shteteve të Bashkuara të Amerikës.

(k.m/dosja.al)

  • 11:53

    Thaçi “thyen heshtjen”/ Amerika e bën t’u rikthehet rrjeteve sociale, uron Pavarësinë e SHBA: Zoti e bekoftë miqësinë tonë

    Presidenti i Kosovës Hashim Thaçi

    Sot në ditën e Pavarësisë  së Shteteve të Bashkuara të Amerikës, Presidenti i Kosovës Hashim Thaçi përmes një postimi në rrjetin social Facebook ka bërë një urim. Thaçi shprehet se populli i Kosovës është përjetësisht falënderues për mbështetjen amerikane në kohërat më të vështira dhe për mbështetjen e vazhdueshme në rindërtimin e vendit. “Ky 4 korrik shënon përvjetorin e 244-të të Pavarësisë së SHBA-së, vendit më demokratik në botë. Urimet më të sinqerta për popullin dhe institucionet amerikane në emër të popullit dhe institucioneve të Kosovës. Ne ndajmë vlera, parime dhe vizion të përbashkët për një botë të lirë, të drejtë dhe demokratike. Populli i Kosovës është përjetësisht falënderues për mbështetjen amerikane në kohërat më të vështira dhe për mbështetjen e vazhdueshme në rindërtimin e vendit tonë. Zoti e bekoftë miqësinë me Shtetet e Bashkuara të Amerikës! HTH”-  ka shkruar Thaçi.

    Postimi i Thaçit ne Facebook.

    Kujtojmë se ky reagim në rrjetet sociale me rastin e pavarësisë së SHBA-së, vjen në një situatë delikate ku vetë Thaçi nuk ka qenë aktivë në rrjetet sociale që prej momentit të publikimit të aktakuzës ndaj tij.

  • 10:54

    DETAJET: Meta tek rezidenca amerikane pa Kryemadhim, e shoqëron Bora! Ruçi e Basha të dy ‘single’ pa bashkëshortet. Veshjet e Ramës, Veliajt dhe Lindës i çuditën të gjithë. Yuri Kim iu la ‘targën’

    Pamje nga darka private

    Politikanë e diplomatë ishin të ftuar në darkën private të organizuar në rezidencën e ambasadores amerikane, Yuri Kim për të festuar Ditën e Pavarësisë së SHBA-ve. Pas një viti mungesë të një të “zoti shtëpie”, në rezidencën amerikane në Shqipëri mbërriti Yuri Kim. Për shkak të pandemisë, kësaj here ajo u “detyrua” që të kushtëzohej në ftesa, disa prej të cilave kanë shkuar dëm. Kryedemokrati Lulzim Basha dhe kryeparlamentari Gramoz Ruçi kanë shkuar pa bashkëshortet e tyre, edhe pse ftesa ishte bërë “çift”. Pak larg tyre ishte presidenti Ilir Meta. Edhe për këtë të fundit, ftesa shkoi “çift”, por mesa duket kryetarja e LSI-së, Monika Kryemadhi ka zgjedhur të mos shkojë.  Edhe pse mund të shkonte krah bashkëshortit, jo si zonjë e parë-post të cilin nuk e ka pranuar kurrë- por duke “përdorur” festën e opozitës. Megjithatë ajo ka zgjedhur të kundërtën, dhe Meta ka përfunduar duke u shoqëruar nga vajza e tij e madhe, Bora.
    Nga ana tjetër, dy prej figurave më të rëndësishme të PS-së, ishin të shoqëruar me bashkëshortet e tyre, por u mungonte me vete një veshje e denjë për një rast të tillë. Kryebashkaiku Erion Veliaj mesa duket së fundmi inspirohet nga ish-kryeministri grek, Aleksis Tsipras, pasi kishte shkuar pa kravatë. Por nuk është se dhe shkëlqimin ia merrte zonja e parë e Tiranës, Ajola Xoxa. Me një fustan “polka dot” dhe me një çantë të madhe varur në krah, Xoxa ishte larg një veshjeje ‘chic’ dhe elegante siç e kërkonte edhe rasti. Ndërsa kryeministri Edi Rama nuk suprizon më me veshjet e tij, edhe pse ndonjëherë janë në kakofoni me eventet. Duke mos hequr dorë nga ato që opozita ia ka pagëzuar si “çitjane”, Rama ka veshur një xhaketë të gjerë (të paktën 2 numra më të mëdhenj), brenda të cilës të “merrte” sytë kravata shumëngjyrëshe.

    Dhe në fund…

    Nëse do të kishte një çmim për veshjen më të keqe të natës, ai do t’i shkonte pa asnjë mendim të dytë, Linda Ramës. E veshur tërësisht me të bardha transparente (nuk dimë të themi nëse është kostum apo thjesht ç’ka gjetur për kollaj), Linda ka prezantuar ndoshta daljen më të keqe publike. Edhe pse në konkurrencë jo të drejtë, pa asnjë mëdyshje, çmimi ‘veshja më e mirë’ i shkon ambasadores Yuri Kim.  E veshur me një kostum ngjyrë të errët, i shoqëruar me perla dhe me një orë fine në dorë, Kim shkëlqeu. Madje ra në sy edhe detaji i shqiponjës dykrenarë që kishte vendosur mbi xhaketë. Shpresojmë që këtë foto ta shohin shpesh ‘kokat e politikës’ dhe të kujtojnë veten se si të vishen. Nëse kanë dëshirë të shprehin talentin e tyre në “fashion” mund të na e tregojnë në përditshmëri, do të jemi me sytë hapur për t’i parë. Ku i dihet mbase në modë nxjerrin ndonjë trend të ri, se në politikë…

  • 10:27

    Dita e Pavarësisë së SHBA/ Yuri Kim: Amerikanët dhe shqiptarët të bashkuar si gjithmonë

    Ambasadorja e SHBA në Tiranë, Yuri Kim

    Ditën e sotme,  Ambasadorja e Shteteve të Bashkuara të Amerikës në Tiranë, Yuri Kim ka publikuar mesazhin e saj për Ditën e Pavarësisë së Amerikës, duke u shprehur se pavarësisht se qëndrojmë të distancuar fizikisht, amerikanët dhe shqiptarët janë afër dhe të bashkuar si gjithmonë. “Mbetemi të lidhur nga dashuria dhe mbrojtja e lirisë sonë, pavarësisë sonë dhe vizionit të përbashkët për të ardhmen.”– ka thënë Ambasadorja në mesazhin e saj.


    Postimi i Plotë:

    Festimi i ditës së pavarësisë së Amerikës këtë vit nuk është si asnjë tjetër. Për herë të parë, po përballemi me një pandemi e cila nuk na ka lënë të mblidhemi nën një çati, për të festuar ditëlinndjen e 244-ët. Ndërsa duhet të qëndrojmë të distancuar fizikisht, ne , amerikanët dhe shqiptarët jemi jemi po aq afër dhe të bashkuar si gjithmonë. Mbetemi të lidhur nga dashuria dhe mbrotja e lirsë sonë, e pavarësisë sonë, dhe vizionit tonë të përbashkët për të ardhmen.

  • 08:40

    Ruçi e Basha krah njëri-tjetrit, të heshtur e të ‘vrenjtur’, Rama s’e “tradhëton” Veliajn, i rri pranë. Yuri Kim ndan FOTOT e darkës private me liderët e vendit

    Pamje nga darka

    Ambasadorja amerikane Yuri Kim ka postuar foto nga darka e ogranizuar për festën e Pavarësisë së Amerikës, disa ditë më parë të organizuar në rezidencën e saj. Pjesëmarrës në darkë, nga ajo që duket në foto, ishin vetëm 16 persona, figurat kryesore të politikës të shoqëruar nga bashkëshortet e tyre, dhe staf i Ambasadës. Nga ajo që duket në foto është fakti se presidenti Ilir Meta ka shkuar në darkë me vajzën e tij të madhe, Borën. Ndërsa kryedemokrati Lulzim Basha dhe kryeparlamentari Gramoz Ruçi qëndrojnë të heshtur e seriozë krah njëri-tjetrit. Ndërsa në anën tjetër, qëndrojnë krah njëri-tjetrit, kryeministri Edi Rama dhe kryebashkiaku i Tiranës, Erion Veliaj. Ndërsa ambasadorja Kim, krahas fotove ka postuar një mesazh falenderues për krerët e politikës që ishin të pranishëm në përvjetorin e 244-t të SHBA.

    Pamje nga darka

    E nderuar të festojë 224 vjetorin e pavarësisë së SHBA me presidentin Ilir Meta, Edi Rama, Gramoz Ruçin, Lulzim Bashën dhe Erion Veliaj. Faleminderit të gjithë miqve shqiptarë për urimet e mira dhe shpresoj që vitin tjetër të festojmë më shumë,“- shkruan Kim. Ambasada Amerikane organizoi festime më 1 korrik, ditë që ambasadorja Yuri Kim ftoi një grupim të vogël njerëzit në rezidencën e saj për të mbajtur festimet duke bërë bashkë krerët e politikës shqiptarë, si asnjëherë më parë.

  • 14:23

    “Dy gëzime në një ditë”/ Rama uron Amerikën për Pavarësinë, komentuesit s’ja harrojnë “sebepin”, i urojnë ditëlindjen: Kalofsh bukur sot!

    Edi Rama

    Sot Amerika festoon 244 vjetorin e nënshkrimit të deklaratës së Pavarësisë. Nuk kishte si të mungonte edhe një urim nga kryeministri i vendit, Edi Rama për aleatët e Shqipërisë.Duke shpërndarë një video me disa nga figurat më të shquara politike të vendit, duke e shoqëruar me mbishkrimin: Gëzuar ditëlindjen Amerikë. Zoti i bekoftë Shtetet e Bashkuara.Por ndjekësit e kreut të qeverisë nuk e kanë lënë pa uruar edhe kryeministrin Rama, i cili sot feston 56 vjetorin.

    KOMENTET:

    – I dashur kryeministri im..të dy sot kemi ditën e lindjes në një ditë..muaj..dhe vit.. Ta gëzojme së bashku këtë ditë duke patur shëndet dhe qetësi shpirtërore. Gëzuar ditëlindjen… Edhe 100 vite jetë i shëndetshëm dhe i lumtur

    – Përveç Amerikës, gëzuar dhe iu z.kryeministër 56-vjetorin e lindjes. Jetë të gjatë e të lumtur. Mes njerëzve tuaj të dashur dhe për ta, e për të mirën e krejt shqiptarëve gjithashtu!

    –  Dy gëzime në një ditë. Njëra për Amerikën ta gëzoj festën, tjetra ta gëzosh ditëlindjen dhe 100 u bëfsh jetë të gjatë dhe të lumtur me gjithë familjarët e tu të dashur dhe ç’të do zemra. Ta kalosh bukur sot.

Shto Koment