Rajoni

SHBA-ja paralajmëron Serbinë: Po nuk njohët Kosovën nuk futeni në Europë

Bashkimi Europian kërkon që të finalizohet dialogu mes Prishtinës dhe Beogradit.
Featured image of article: SHBA-ja paralajmëron Serbinë: Po nuk njohët Kosovën nuk futeni në Europë Foto Ilustruese

KOSOVË– Ambasada e SHBA-së në Prishtinë ka palajmëruar Serbinë në lidhje me njohjen e shtetit të Kosovës. Në një deklaratë në rrjetet sociale, ambasada theskon se Serbia nuk do të bëhet pjesë e Bashkimit Europian nëse nuk njeh Kosvën si shtet.

Më tej, Amerikanja nxit dialogun që duhet të finalizohet mes Prishtinës dhe Beogradit. Sipas ambasadës është e rëndësishme njohja reciproke midis dy vendeve, në rrugëtimin e përbashkët drejt Bashkimit Europian

Deklarata e plotë

Qeveritë e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës janë të bashkuara në qëllimin për të parë normalizimin e plotë të marrëdhënieve ndërmjet Kosovës dhe Serbisë përmes arritjes së një marrëveshjeje gjithëpërfshirëse, politikisht të qëndrueshme dhe ligjërisht detyruese që i kontribuon stabilitetit rajonal. Status quo pengon përparimin e Kosovës dhe Serbisë në rrugën e tyre drejt Bashkimit Evropian (BE) dhe thjeshtë nuk është e qëndrueshme. Pas viteve të tëra të ngecjes ka ardhur koha që më në fund të përmbyllen konfliktet e viteve të 90-ta dhe të ofrohet një e ardhme e sigurtë dhe e begatshme për qytetarët e Kosovës dhe të Serbisë duke negociuar në mirëbesim një marrëveshje që mund ta mbështesin të dy palët.

Prandaj, i bëjmë thirrje Kosovës dhe Serbisë që menjëherë të rifillojnë dialogun e udhëhequr nga BE-ja dhe kërkojmë nga të dy palët të shmangin veprime që do të pengonin një marrëveshje përfundimtare, e cila është e nevojshme për të dy vendet për të arritur integrim më të madh euro-atlantik dhe përfitimet përcjellëse.

Ne jemi të gatshëm të forcojmë rolin tonë në këtë proces në përkrahje të Përfaqësuesit të Lartë të BE-së, por mund ta bëjmë një gjë të tillë vetëm kur ju të jepni shenja të gatishmërisë për kompromis, për heqjen e pengesave dhe rifillimin e bisedimeve. Për Kosovën, kjo nënkupton heqjen e taksave të vendosura ndaj Serbisë. Për Serbinë, kjo nënkupton ndërprerjen e fushatës për heqjen e njohjeve kundër Kosovës.

Ne dëshirojmë të shohim që njerëzit e Kosovës dhe të Serbisë të përfitojnë nga paqja e qëndrueshme dhe të kenë mundësi të ndërtojnë të ardhmen e tyre. Jemi të gatshëm të ndihmojmë në çfarëdo mënyre.

(f.m/d0sja.al)

Shto Koment