Politike

Shkarkimi i Presidentit, Maliqi: Show mediatik komisioni pasi të merr në pyetje Manja që vodhi votat, Meta burrë shteti

Maliqi ka deklaruar se gjithçka për nisëm e shkarkimit të Presidentit Ilir Meta është një show mediatik.
Featured image of article: Shkarkimi i Presidentit, Maliqi: Show mediatik komisioni pasi të merr në pyetje Manja që vodhi votat, Meta burrë shteti Lefter Maliqi

Tiranë- Deputeti Lefter Maliqi në një deklaratë për mediet ka deklaruar se votimi unanim ndaj rezolutës për shkarkimin e Presidentit është i paligjshëm. Ai ka theksuar se mbledhja e sotme e Komisionit Hetimor është një show mediatik ku të merr në pyetje Ulsi Manja, që sipas tij ka vjedhur vota në qarkun e Dibrës.

“Ky është një show dhe diskretitim publik, pasi Meta si një burrë shteti shmangu gjakderdhjen në zgjedhjet e 30 qershorit. Këtë e tregoi edhe raporti i OSBE-OHIHR, ku raport foli qartë dhe deklaroi paligjshmërinë e zgjedhjeve. Ky show sot për marrjen në pyetje nga Ulsi Manja është një aventurë. Manja  akuzohet për vjedhjen e votave në Dibër. Duhet të ndalohet kjo aventurë e tipit dështak të kësaj qeverie.”, u shpreh Lefter Maliqi.

Ditën e sotme në orën 10:00 Presidenti Ilir Meta do të paraqitet para Komisionit Hetimor për çështjen e shkarkimit të tij. Meta i është përgjigjur pozitivisht kërkesës së bërë zyrtarisht nga ky komision për të marrë pjesë si dëshmitar para deputetëve, të cilët do të verifikojnë zbatimin e kompetencave kushtetuese të Presidentit lidhur me zhdekretimin e zgjedhjeve të 30 qershorit. Është hera e parë në historinë e Shqipërisë të ngrihet një Komision Hetimor për shkarkimin e presidentit me arsyetimin se ka shkelur Kushtetutën.

Për më shumë bëhu pjesë e grupit më viral në Facebook, Dosja.al

Presidenti Ilir Meta vendosi të anulonte zgjedhjet e 30 qershorit, me motivacionin se gara ishte farsë dhe rrezikonte përplasjen civile në vend. Kjo solli kundërshtinë e mazhorancës, dhe vendimin që kryesocialisti Edi Rama iu shpalli të tijëve se PS do të shkarkojë Metën për shkelje të rëndë kushtetuese. Nga ana tjetër, KQZ rrëzoi Metën duke i hapur rrugë PS në zhvillimin e zgjedhjeve të 30 qershorit.

J.V/Dosja.al

 

Shto Koment