Bota

Serbia vendi i parë në Ballkan që arrin marrëveshjen me Moderna, në tetor vijnë dozat e para

Sipas tij, vaksinat e kësaj kompanie duhet të arrijnë në Serbi deri në fund të muajit tetor.
Featured image of article: Serbia vendi i parë në Ballkan që arrin marrëveshjen me Moderna, në tetor vijnë dozat e para Vaksina Moderna

SERBI– Presidenti i Serbisë, Aleksandër Vuçiç, ka thënë të enjten se ky shtet ka arritur marrëveshje me kompaninë amerikane Moderna për blerje të vaksinave kundër koronavirusit.

Sipas tij, vaksinat e kësaj kompanie duhet të arrijnë në Serbi deri në fund të muajit tetor.

Në një bisedë me përfaqësuesit e Këshillit Atlantik, ai ka thënë se Serbia nuk ka testuar vaksinat kineze apo të ndonjë kompanie tjetër, dhe se të cilat vaksinat që kanë blerë autoritetet serbe, kanë kaluar të gjitha fazat e testimit.

“Duhet të duroni kritika të ashpra kur bëni diçka dhe unë jam krenar që jam pjesë e një ekipi që bëri diçka, ne bëmë punën tonë dhe morëm më shumë vaksina se të tjerët”,– ka thënë Vuçiç kur është pyetur lidhur me “diplomacinë e vaksinave” të Serbisë në rajon.

Për më shumë bëhu pjesë e grupit më viral në Facebook, Dosja.al

Ai ka thënë se Serbia nuk ka blerë vaksina në baza gjeopolitike, dhe se ka pasur parasysh shpëtimin e jetës së njerëzve.

Serbia ka siguruar vaksina të kompanisë amerikane, Pfizer, britanike, AstraZeneca, ruse Sinopharm dhe ruse Sputnik V.

Vaksinat ruse dhe ato kineze ende nuk janë miratuar nga Agjencia Evropiane e Ilaçeve dhe Organizata Botërore e Shëndetësisë.

Marrë nga REL.

Shto Koment